Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Pavlodar oblysynyń dúkenderinen tutynýǵa jaramsyz azyq-túlik tabyldy

2019 jyldyń 22 aqpan 2019 23:35 1011

PAVLODAR. QazAqparat - Epıdemıologtar Pavlodar oblysyndaǵy qala jáne aýyldyq jerlerdegi dúkenderden paıdalaný merzimi ótip ketken keptirilgen nan, kakao untaqtary, balshyryn jáne adjıka sııaqty azyq-túlik ónimderin anyqtady, dep habarlaıdy QazAqparat.

«Keptirilgen nannyń saqtalý merzimi 60 táýlikten aspaıdy, alaıda satýshylar ónim óndirýshlerdiń bul talaptaryn udaıy nazardan tys qaldyrady. Qalanyń kóterme jáne bólshek saýdamen aınalysatyn «SP market» dúkeninde Reseıdiń Krasnodar ólkesinen shyǵarylatyn «Kıevlıanka» ataýymen belgili keptirilgen nandarynyń keıbiriniń saqtalý merzimi 2 aıdan asyp ketken»,-dep habarlady búgin «QazAqparat» tilshisine Pavlodar oblystyq Qoǵamdyq densaýlyq saqtaý departamentiniń ókilderi.

Mundaı jaǵdaılar kezdesip turady, deıdi vedomstvo ókilderi. Mysaly Jelezınsk aýdanyndaǵy «Gúlbaný» dúkeninde Qoǵamdyq densaýlyq saqtaý departamentiniń ókilderi tutyný merzimi ótip ketken 3 túrli azyq-túlik ónimin anyqtady. Olar: «Rahat» kakao untaǵy, «Býd zdorov» balshyryny jáne «ıÝjnaıa» adjıkasy.

Aqqýly aýylyndaǵy «Aıdana» dúkeninde «Barnı qonjyqtary» dúken sóresinde paıdalaný merzimi ótken soń 1 aıdan astam ýaqyt turǵan»,-dep málimdedi epıdemıologtar.

Departamenttiń málimetteri boıynsha, halyq tutynatyn azyq-túlik ónimderiniń monıtorıngi turaqty júrgizilip turady.


Anton Gagarın

Perevod Aıdar Ospanalıev
Basty sózder: Pavlodar oblysy, Azyq-túlik,
Joǵary qaraı