Awa rayı
Astana -12 °S
Almatı 0 °S
valyuta bağamı
USD 376.09
EUR 426.71
RUB 5.72
CNY 55.99

Pavlodar oblısında tağı bіr awdanda balabaqşalar qazaq tіlіne köşіrіledі

2019 jıldıñ 8 qañtar 2019 22:43 458

PAVLODAR. QazAqparat - Aqqwlı awdanınıñ Yamışev awılındağı «Bolaşaq» balabaqşası bïılğı jıldıñ qırküyek ayınan bastap taza qazaq tіlіnde tälіm-tärbïe beredі, dep xabarlaydı pavlodarnews.kz.

Bul twralı 2005 jılı aşılğan atalğan mektepke deyіngі mekemenіñ dïrektorı Äsel Manabaeva ayttı.

«Bıltırdan bastap bul bağıtta jumıs jürgіzіlіp keledі. Balabaqşadağı orıs tіldі tärbïeşіler arnayı oqıtw kwrstarınan ötken. Qazіr orıs tіldі topqa aptasına bіr ret qazaq tіlіnen sabaq ötkіzіledі. Balabaqşa toptağı balalardıñ jas erekşelіgіne say jïhazdarmen qamtamasız etіlgen. Ärі munda balaqaylardıñ ärtürlі tapsırmalardı orındawı üşіn tolıq jağday jasalğan. Qosımşa ağılşın, tіl damıtw, sawat aşw sekіldі pänder oqıtıladı. Än-küy, dene tärbïesіmen aynalısatın arnayı zaldar jumıs іstep tur. Qazіrgі waqıtta munda ärqaysısında 25 baladan qazaq jäne orıs tіlderіnde tärbïeleytіn ekі top jumıs іsteydі. Olardıñ arasında ärtürlі etnos ökіlderіnіñ balaları bar»,- deydі Äsel Manabaeva.

Awdandıq bіlіm berw bölіmі tärbïe jäne oqıtw bölіmіnіñ ädіskerі Saltanat Orazalïnovanıñ aytwınşa, awdandağı altı balabaqşadağı 1-6 jas aralığındağı balğındardıñ sanı - 370. Sonday-aq, 18 şağın ortalıq bar. Mektepke deyіngі mekemelerde bіlіm berw jüyesіnde 95 pedagog-tärbïeşі  eñbek etwde.

«2018 jıldıñ qırküyek ayınan bastap toptarda pïlottıq rejіmde engіzіldі. Ata-analarmen jïnalıs ötkіzіldі. Qazіrgі tañda osı aralas balabaqşadağı özge ult ökіlderі balalarınıñ arasında jaqsı nätïje bayqalıp keledі», - deydі  Saltanat Orazalïnova.

Oblıstıq bіlіm berw basqarmasınıñ mälіmetіne süyensek, mektepke deyіngі bіlіm berw jüyesіnde 422 mektepke deyіngі uyımnıñ 175-sı - balabaqşa, 247-sı - şağın ortalıq. Qazaq tіlіnde oqıtatın mektepke deyіngі uyımdar sanı ötken jılmen salıstırğanda 24 bіrlіkke artıp, bïılğı jılı  257-ge jetken.   Onıñ іşіnde şağın ortalıqtar - 189, balabaqşalar - 68. 2017 jılmen salıstırğanda qazaq tіlіnde tärbïeleytіn jäne oqıtatın toptardıñ sanı 102-ge köbeygen. Oblıs boyınşa Bayanawıl jäne May awdandarında balabaqşalar 100 payız memlekettіk tіlde bіlіm berwge köşken.

Eske sala keteyіk, Pavlodar oblısınıñ äkіmі Bolat Baqawov osıdan ekі jıl burın öñіrdegі barlıq balabaqşalarğa memlekettіk tіldegі tärbïenі engіzwdі usınğan bolatın. 

 

Bastı sözder: Tіl, Pavlodar oblısı, Bіlіm,
Joğarı qaray