Aýa raıy
Astana 25 °S
Almaty 17 °S
valıýta baǵamy
USD 386.82
EUR 428.67
RUB 5.86
CNY 54.95

Pavlodar oblysynda sý tasqyny kezinde 32 eldi meken erekshe baqylaýǵa alynady

2019 jyldyń 22 aqpan 2019 22:15 1053

PAVLODAR. QazAqparat - Pavlodar oblysynda ótken jyldardaǵy sý tasqyny kezindegi tájirıbege súıene otyryp, 32 eldi meken men 42 avtomobıl joly, bir temir jol ýchaskesi erekshe baqylaýǵa alynǵan, dep habarlaıdy pavlodarnews.kz.

Bul týraly oblystyq ákimdikte ótken keńeıtilgen apparattyq keńeste óńirlik TJD basqarmasy bastyǵynyń mindetin atqarýshy Samat Asaıynov málim etti.

«32 eldi mekende arnalar men qorǵanys dambalaryn qurýdyń nátıjesinde Maı aýdanynyń Aqsaraı jáne Jansaraı eldi mekeninde, sondaı-aq 16 aýylda qaýip deńgeıi birshama seıildi. Degenmen, búgingi kúni eskertý sharalaryn júrgizbeý saldarynan keıbir eldi mekenderde sý basý qaýipi saqtalýda. Máselen, Aqsý qalasynyń Úshterek jáne Aqtoǵaı aýdanynyń Jalaýly aýyldarynda eshbir shara júrgizilmegen. 1 naýryzdan bastap eldi mekender men qorǵanys dambalaryn tekserý jumystary bastalady», - deıdi Samat Asaıynov.

null 

Departament usynǵan málimetke súıensek, óńirde jaıylymdar sýǵa tolǵan kezde Aqsý qalasy, Aqsý kenti, Lenın kenti, Kenjekól jáne Mıchýrıno aýyldaryn sý basýy múmkin. Bul jerlerde topyraqtan qorǵanys dambalarymen qamtamasyz etý arqyly  tosqaýyl qoıylady. Sý tasqyny kezeńine 45,9 myń ydys-qap, 34,9 myń tonna ınertti materıal, 95,5 tonna janar-jaǵarmaı daıyndalǵan jáne muzdy jarý jumystaryna úsh kelisimshart jasalǵan. Azamattyq qorǵanys qyzmetimen 1,5 myń adam men 550 tehnıka, 60 júzý quralyn iske qosý josparlanǵan.

«Búgingi tańda qar jamylǵysy qalyń emes», - dedi oblys ákimi Bolat Baqaýov. «Degenmen, sý burý jumystaryn der kezinde júrgizý kerek. ShQO Shúlbi sý qoımasynan sý jiberilgen kezde tyǵyz baılanys ornatý qajet. 25 naýryzǵa deıin sý basýy yqtımal eldi mekenderde erigen qar sýyn shyǵarý úshin quraldardy daıyndaýdy tapsyramyn. Qar sýy basýy múmkin eldi mekender qardan tazartylýy tıis».

 «Qazgıdromet» mamandarynyń boljamynsha, qar jamylǵysy shekti deńgeıde. Sondyqtan sý tasqyny kezeńi ótken jyldaǵydaı ótedi degen boljam bar. Qardyń qalyńdyǵy ortasha eseppen alǵanda 20 sm (2018 jyly - 18 sm), qardaǵy sýdyń qory 49,1 mm, jaýyn-shashyn mólsheri 47 mm-di quraıdy. 

 

Joǵary qaraı