Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Pavlodar oblısında örtten keyіn barlıq mektepter tekserіledі

2018 jıldıñ 22 qırküyek 2018 04:24 96

PAVLODAR. QazAqparat - Ertіs awdanınıñ Ertіs awılındağı № 3 orta mektepte bolğan örtten keyіn oblıstağı barlıq oqw ornında örtke qarsı qawіpsіzdіk tekserіledі, dep xabarlaydı QazAqparat pavlodarnews.kz sіlteme jasap.

Bul twralı öñіrlіk bіlіm berw basqarmasınıñ basşısı Dіnïslam Bolatxanulı Feysbwktegі paraqşasında jarïyaladı.

«Oqıs jağday orın alğannan keyіn barlıq oqw ornın tekserw usınıldı. Munday jayttıñ qaytalanwına jol bermew qajet. Sonday-aq, bіlіm berw mekemelerіnіñ basşılarına balalardıñ qawіpsіzdіgі üşіn qızmetkerlerdіñ jawaptı ekenіn eske salğım keledі. Qazіrgі tañda elektr jelіlerі tekserіlwde. Ekіnşі awısımdağı oqwşılar üşіn sabaq bolmadı. Düysenbі künі ekі awısımda da sabaq ötkіzіledі», - deydі Dіnïslam Bolatxanulı.

Eske sala keteyіk, ört qosalqı ğïmaratta elektr sımdarınıñ tuyıqtalwı saldarınan şıqqan. Bul şağın bölmede texnïkalıq qızmetkerler kïіm awıstıradı. Mektep äkіmşіlіgі derew äreket etіp, ört söndіrwşіler kelgenge deyіn mekteptegі barlıq 219 adamdı sırtqa şığarıp ülgergen. Onıñ іşіnde 187-sі bala, 23-і pedagog jäne toğızı - texnïkalıq qızmetker. Abıroy bolğanda, barlığı dіn aman.

Qızıl jalın 25 şarşı metr awmaqtı şarpığan. Sağat 11.30-da bastalğan tіlsіz jaw 15 mïnwttıñ іşіnde tolığımen söndіrіldі.

 

 

Joğarı qaray