Aýa raıy
Astana 24 °S
Almaty 15 °S
valıýta baǵamy
USD 386.82
EUR 428.67
RUB 5.86
CNY 54.95

Pavlodar oblysynda qasqyrlar sany kúrt azaıyp ketti

2019 jyldyń 18 aqpan 2019 15:34 1017

PAVLODAR. QazAqparat - Aýyl sharýashylyǵy mınıstrliginiń málimetinshe, Pavlodar oblysynda nebári 194 qasqyr qalǵan, dep habarlaıdy pavlodarnews.kz.

Bul týraly agenttikke oblystyq jer qoınaýyn paıdalaný, qorshaǵan orta jáne sý resýrstary basqarmasy janýarlar bóliminiń basshysy Ernar Shekeev málim etti.

«Qasqyr oblystyń ań aýlaý kvotasyna kirmeıdi jáne ańshylyq obektisine jatpaıdy. Biraq oblystyń ońtústik jáne shyǵys óńirleri - Baıanaýyl, Sharbaqty, Aqqýly aýdandarynda dala jyrtqyshy  kóbeıgen kezde túsken ótinishterge qaraı belgili bir lımıt bekitiledi.

 Jyl saıyn jaǵdaı ózgerip otyrady. Sondyqtan 2020 jylǵa boljam jasaý qıyn. Sebebi, qasqyr - kóship júretin mıgratsııalyq janýar. Jeke suranysqa qaraı turǵyndar men atqarýshy organdardyń ótinishi boıynsha lımıt belgilenedi. Kez kelgen adam ańshylyqqa shyǵý úshin jergilikti atqarýshy organnyń ruqsatyn alýy tıis»,- deıdi Ernar Shekeev.

 Qazirgi tańda 15 aqpannan bastap ań men qustyń kez kelgen túrin aýlaýǵa tyıym salynǵan.

 Bólim basshysynyń aıtýynsha, oblystaǵy 38 ańshylyq alqabynyń 33-inde bekitilgen ıeleri bar. Olar ańshylyqqa shyǵý úshin memlekettik organnan kelip ruqsat alady ári qarapaıym adamdarǵa joldama satady. Bul alqaptardyń teń jartysy Baıanaýyl aýdanynda ornalasqan. Sondaı-aq, bóriler Ekibastuz jáne Aqtoǵaı, Ertis, Jelezın aımaqtarynda jıi kezdesedi. Qasqyrlardyń azaıýyna birneshe faktor áser etedi. Birinshisi, antropogendik - qorshaǵan ortaǵa adamzattyń tıgizetin teris is-áreketi. Ekinshisi, mazalaý faktory - ıaǵnı, joldardyń salynýy, azyq-túliktiń azaıýy jáne basqa da sebepter.

«Mysaly, Baıanaýyl óńirinde jol jóndeý jumystary  júrip jatqany belgili. Buǵan qosa, maldardyń jaıylymdarǵa shyqpaýynan qorek taba almaǵan soń Altaı óńirlerine aýysyp, shekaradan asyp ketedi»,- deıdi Ernar Shekeev.  

Osydan úsh jyl buryn bórilerdiń sany tym artyp, halyqqa keri áserin tıgizgen. Ásirese, jylqylarǵa shabýyldaı bastaǵan. Jalpy, sońǵy jyldary ádettegi naýryz-mamyr aılary aralyǵynda ótetin kóktemgi ańshylyq maýsymyna respýblıka tarapynan tyıym salyndy. Sebebi, uıa salýǵa ushyp keletin qustar óte álsiz bolady. Al, 16 maýsymda sýyrlarǵa, qyrkúıek aıynda ózender men kólderge qonatyn qustarǵa ańshylyq maýsymy ashylady. Naqty merzim aldyn ala komıtetpen belgilenedi.

Aıta keterligi, 2019 jyldyń sońyna deıin qasqyrlardyń azaıýyna baılanysty Aqmola, BQO, Qaraǵandy, Qostanaı jáne Pavlodar oblystarynda jyrtqysh ańdardyń bul túrin atýǵa tyıym salyndy. Tek qana adamǵa nemese úı janýarlaryna shabýyl jasaǵanda, sondaı-aq, aýyldy eldi meken aýmaǵynda júrgen jaǵdaıda ǵana atýǵa ruqsat etiledi. 

 

 

Basty sózder: Qoǵam, Ekologııa, Pavlodar oblysy,
Joǵary qaraı