Aýa raıy
Astana -2 °S
Almaty 17 °S
valıýta baǵamy
USD 389.98
EUR 434.01
RUB 6.10
CNY 55.04

Pavlodar oblysynda birneshe basqarma qysqartylady

2019 jyldyń 12 naýryz 2019 17:37

PAVLODAR. QazAqparat - Pavlodar oblysynda jańadan memlekettik satyp alýlar basqarmasy qurylmaq. Bul týraly oblystyq máslıhat janyndaǵy turaqty komıssııa men oblystyq qoǵamdyq qeńestiń birlesken otyrysy kezinde belgili boldy, dep habarlaıdy pavlodarnews.kz.

Otyrys kezinde óńirlik ekonomıka jáne bıýdjettik josparlaý basqarmasynyń basshysy Maqsat Turlybaev Pavlodar oblysyn basqarýdyń jańa júıesin usyndy. Elbasynyń tapsyrmasyn júzege asyrý aıasynda óńirdegi toǵyz basqarmany qaıta quryp, olardy salalyq baǵyttary boıynsha tórt basqarmaǵa biriktirý josparlanýda.

«Naqtyraq aıtsaq, oblystyq ishki saıasat, jastar saıasaty máseleleri boıynsha jáne din isteri jónindegi basqarmalardy qosyp, aqparat jáne qoǵamdyq damý basqarmasy etip biriktirý kózdelip otyr. Mádenıet, arhıvter men qujattandyrý basqarmasyn tilderdi damytý basqarmasymen biriktirip, mádenıet, tilderdi damytý jáne arhıv isi basqarmasyna, al jerdiń paıdalanylýy men qorǵalýyn baqylaý jáne memlekettik sáýlet-qurylys baqylaýy basqarmalaryn qala qurylysy jáne jer paıdalanýdy baqylaý basqarmasyna biriktirý josparlanýda. Aýyl sharýashylyq basqarmasyna veterınarııa basqarmasy enedi», - deıdi Maqsat Turlybaev.

Maqsat Turlybaevtyń sózine sensek, oblysta jańa memlekettik organ - memlekettik satyp alý basqarmasyn qurý usynylýda. Jańadan qurylatyn organǵa qurylys jáne qarjy basqarmasynyń memlekettik satyp alýlardy ótkizý jáne baqylaý jónindegi qyzmeti jáne shtaty beriledi. Sonymen birge, dene shynyqtyrý jáne sport basqarmasyn týrızm jáne sportty damytý basqarmasy retinde ataýy ózgertiledi. Jańadan paıda bolǵan bul basqarmaǵa kásipkerlik jáne saýda basqarmasynyń týrızm jónindegi qyzmeti men shtatyn qosý josparlanýda.

«Osylaısha, Pavlodar oblysyn basqarý júıesi tórt basqarmaǵa qysqarady. Júıeni ózgertý qosymsha qarajatty talap etpeı, kerisinshe, jańadan qurylatyn basqarmalardyń shtat sany men qarjylandyrylý deńgeıi azaıýǵa qaraı qaıta qaralady», - dedi Maqsat Turlybaev. Osy oraıda qoǵamdyq keńes múshesi Tuńǵat Ámirtaı tilderdi damytý basqarmasyn basqa memlekettik organǵa qosý máselesiniń qanshalyqty qısyndy ekendigine kúmán keltirdi. «Til máselesi kúrdeli ekendigin bile tura, osy áreket arqyly bul máseleni múlde tyǵyryqqa tirep qoıǵylaryńyz kele me?», - dedi Tuńǵat Ámirtaı. «Qazirgi kezde tilderdi damytý basqarmasy belgili bir máseleni sheshýge jeke dara mártebege ıe. Sol sebepti, til máselesin mádenıetpen biriktirý qanshalyqty mańyzdy? Qalaı degenmen, men bul máseleni basqa minberde kóteretinime ýáde beremin».

Óńirlik ekonomıka jáne bıýdjettik josparlaý basqarmasynyń basshysy atalǵan basqarma qysqarǵanymen, oǵan bólinetin qarajat qysqarmaıtynyna sendirdi. Sonymen birge, jańadan qurylatyn basqarmada tilderdi damytý máselesine tikeleı jaýap beretin orynbasar qyzmet etetinin aıtty.

Aıta keteıik, qazirgi kezde oblysty basqarý júıesi oblys ákiminiń apparaty men 25 basqarmadan turady.

Basty sózder: Ákimdik, Pavlodar oblysy, Ekonomıka,
Joǵary qaraı