Aýa raıy
Astana 21 °S
Almaty 20 °S
valıýta baǵamy
USD 386.34
EUR 427.25
RUB 5.88
CNY 54.57

Pavlodar oblysynda aýyr júk mashınalary túnde ǵana júrýi múmkin

2019 jyldyń 19 shilde 2019 15:51 236

PAVLODAR. QazAqparat - Oblys ákimi Bolat Baqaýov oblystyq máslıhattyń keńeıtilgen sessııasynda joldardyń saqtalýy kerektigine erekshe nazar aýdardy, dep habarlaıdy pavlodarnews.kz.

Óńir basshysy atap ketkendeı, «Nurly jol» baǵdarlamasy aıasynda 2019 jyly «Ortalyq-Shyǵys» kólik dáliziniń qurylysy aıaqtalady. Oǵan qosa, bıyl 337,3 shaqyrymdyq jol qurylysy eńseriledi.

«Bul maqsatqa 14 mıllıard teńge kózdelgen, al joldardy kútip ustaýǵa alty mıllıard teńge bólingen. Jyl qorytyndylary boıynsha «jaqsy joldar» kórsetkishi 81 paıyzǵa jetedi. Osy oraıda, joldardyń saqtalýyna erekshe nazar aýdarǵym keledi. Eger oǵan uqypty qaramasaq, jaqsy joldardan aıyrylyp qalamyz»,- dedi Bolat Baqaýov.

Oblys ákimi óńir joldaryna mólsherden tys júk túsip jatqanyn atap, aptap ystyq kezinde aýyr júk mashınalaryn túngi ýaqytta júrgizý múmkindigin qarastyrýdy tapsyrdy.

«Álbette, qurylys jumystaryn toqtata almaımyz. Degenmen, joldardan aıyrylyp qalýymyz múmkin. Quzyrly organdarǵa osy máseleni qadaǵalap, qalyptasqan jaǵdaıdy retke keltirýdi tapsyramyn. Qalqaman-Baıanaýyl-Alekseevka joly byltyrǵy jyly jóndeýden ótisimen kólik júrisi ózgerip, Qaraǵandyǵa baratyn júk mashınalary osy jolmen júretin bolǵan. Eger osy joldy qadaǵalamasaq, bul joldy áp-sátte joǵaltamyz», - deıdi Bolat Baqaýov.

Óńir basshysy qala men aýdan ákimderine respýblıkalyq jáne jalpy kez kelgen tas joldarǵa óte uqypty qaraýdy buıyrdy.

Basty sózder: Ákimdik, Kólik, Pavlodar oblysy,
Joǵary qaraı