Awa rayı
Nur-Sultan 1 °S
Almatı 17 °S
valyuta bağamı
USD 378.87
EUR 422.40
RUB 5.87
CNY 54.85

Pavlodar oblısında 2019 jıl bastalğalı bes adam örtten köz jumdı

2019 jıldıñ 9 qañtar 2019 00:19 607

ASTANA. QazAqparat - Jaña jıl bastalğalı Pavlodar oblısında 18 ört oqïğası tіrkelgen, dep xabarlaydı pavlodarnews.kz.

Bul twralı öñіrlіk kommwnïkacïyalar qızmetіnde ötken baspasöz jïınında oblıstıq TJD ört salasındağı qawіpsіzdіktі baqılaw jäne profïlaktïkalıq qızmet basqarması bastığınıñ orınbasarı Älіmqan Qayırkeldі mälіm ettі.

- Bïılğı jılı segіz künnіñ іşіnde ört saldarınan bes adam, onıñ іşіnde bіr bala qaza taptı, - dedі Älіmqan Qayırkeldі. - Bes adam jaraqat aldı. Al, 2018 jılı öñіrіmіzde 873 ört tіrkeldі. Oqıs oqïğalardan kelgen materïaldıq şığın 110 mïllïon 436 mıñ teñgenі quradı. Örtte 34 adam köz jumıp, 33 adam jaraqattandı.

Älіmqan Qayırkeldіnіñ aytwınşa, 2018 jılı 2017 jılmen salıstırğanda ört sanı 7 payızğa azayğan. Adam ölіmі 36 payızğa köbeyіp, materïaldıq şığın 9 payızğa tömendegen.

- Oqıs oqïğalardıñ aldın alw maqsatında ötken jılı azamattıq qorğanıs organdarınıñ qızmetkerlerі jergіlіktі polïcïya ökіlderіmen bіrlesіp, oblıs awmağındağı turğın üy sektorınıñ 101 mıñ 751 awlasın araladı. Nätïjesіnde 225 mıñ 503 adam qamtıldı. Awlalardı aralaw barısında turğındar arasında peş quraldarın ornatw jäne qoldanw barısındağı ört qawіpsіzdіgі, elektr quraldarı men gazballon qurılğıların qoldanw erejelerі, talaptarı tüsіndіrіldі.

Sonday-aq jergіlіktі atqarwşı organdarı men PÏK ökіlderі 24 mıñ 878 adamdı qamtıp, 949 jïın ötkіzgen.

 

 

Bastı sözder: Oqïğa, Pavlodar oblısı,
Joğarı qaray