Aýa raıy
Astana 8 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Pavlodar oblysynda 19 anaǵa «Altyn alqa» men «Kúmis alqa» tabystaldy

2019 jyldyń 9 naýryz 2019 01:28

PAVLODAR. QazAqparat - Pavlodar oblysynda 19 kóp balaly anaǵa «Altyn alqa» men «Kúmis alqa» tabystaldy, dep habarlaıdy QazAqparat pavlodarnews.kz silteme jasap.

8 naýryz qarsańyndaǵy saltanatty jıyn Estaı atyndaǵy mádenıet saraıynda ótti. Jıynda óńirdiń damýyna úles qosqan áıelder de marapattaldy. Mereke ıelerine arnalyp saraıdyń kire berisinde áıelderdiń ulttyq áshekeıleri jáne pavlodarlyq sýretshiler salǵan áıelderdiń portretterinen kórme qoıyldy.

Jınalǵan áıelder qaýymyn quttyqtaǵan Pavlodar oblysynyń ákimi Bolat Baqaýov názik jandylar qaı salada da qıyn mindetterdi atqaryp jetistikke jetip júrgenderin atap ótti.

«Bizdiń qoǵamda áıel degen - otbasyn ǵana oılaıtyn tulǵa emes, memlekettik qyzmette, qoǵamdyq júmysta, kásipkerlikte, bilimde, densaýlyq saqtaý jáne ózge de salada belsendi jandar. Sizderdi ómir súrýge degen qulshynystaryńyz ben kózdegen maqsattan taımaýǵa tyrysýlaryńyz erekshelendiredi. Tańqalarlyǵy kópshiligińiz meıirimmen balany tárbıeleý, úıdiń kóptegen máselelerin sheshý, jumysqa da úlgerý, qoǵamdyq sharalarǵa belsendi aralasýdyń bárine úlgerip jatasyzdar», - dedi oblys ákimi.

Pavlodar oblysynyń kópbalaly analaryna óńir basshysy erekshe alǵys bildirdi. 19 ana «Altyn alqa» men «Kúmis alqaǵa» ıe boldy.

Sonymen qatar, oblys ákimi aýyr ónerkásipte, densaýlyq saqtaý men bilim berý salasynda, memlekettik qyzmet jáne ózge de salalarda eńbek etken áıelderge alǵys hattar men qurmet gramotalaryn tabystady.

Keshti «Anashym» ánin oryndaıtyn Marat Omarov, Beıbit Kúshqalıev jáne «Melomen» toby syndy qazaqstandyq tanymal mýzykanttar óner kórsetken bir jarym saǵattyq kontsert jalǵastyrdy.

Sahnada tek juldyzdar ǵana án aıtyp qana qoımaı, kásibı emes ártister de óner kórsetti.

Mysaly, «Nur Otan» partııasy oblystyq fılıaly tóraǵasynyń birinshi orynbasary Nıkolaı Dychko dombyramen Dáýletkereıdiń «Kóruǵly» kúıin shertti.

Al, kásipkerlik, saýda jáne týrızm basqarmasynyń basshysy Dastan Ryspekov pen dene tárbıesi jáne sport basqarmasynyń basshysy Marat Aıdashev án saldy.

Basty sózder: Pavlodar oblysy,
Joǵary qaraı