Aýa raıy
Astana 0 °S
Almaty 18 °S
valıýta baǵamy
USD 389.81
EUR 430.27
RUB 6.06
CNY 54.91

Pavlodar oblysyna Germanııadan 63 adam kóship keldi

2018 jyldyń 18 qarasha 2018 20:59

PAVLODAR. QazAqparat - Pavlodar oblysyna syrtqy kóshi-qon boıynsha 337 adam qonys aýdarǵan. Onyń ishinde TMD elderinen - 274 adam, Germanııadan 63 adam kóship keldi, dep habarlaıdy pavlodarnews.kz.

Kóshi-qon qyzmeti organdary usynǵan málimetter boıynsha 2018 jylǵy qańtar-qyrkúıekte elimizge turǵylyqty turýǵa kelgenderdiń tirkelý sany 4990 adam bolǵan. Elimizden ketken kóship-qonýshylardyń tirkelý sany 10% azaıyp, 9278 adamǵa jetti.

«Qazaqstannyń basqa óńirlerinen 4653 adam bizge kóship keldi, olardan 1061 adam (22,8%) - Astana qalasynan, 909 (19,5%) - Shyǵys Qazaqstan oblysynan», - deıdi oblystyq statıstıka departamentinde.

2018 jylǵy qańtar-qyrkúıek aralyǵynda óńirden 3502 adam kóship ketti. Sonyń ishinde TMD elderine 3184 adam (98,4% Reseıge ketti), álemniń basqa elderine 318 adam (92,8% Germanııaǵa) qonys aýdardy. Qazaqstannyń basqa óńirlerine 5776 adam kóship ketti, olardan 2731 adam (47,3%) - Astana qalasyna, 608 adam (10,5%) - Shyǵys Qazaqstan oblysyna. 2018 jylǵy 1 qazanda óńirdegi halyq sany 753940 adamdy qurady, sonyń ishinde qalalyqtar - 532172 adam (70,6%), aýyldyqtar - 221768 adam (29,4%). 2017 jylǵy 1 qazanmen salystyrǵanda halyq sany 1384 adamǵa nemese 0,2% azaıǵan. Erler sany 356813 adam bolsa (47,3%), áıelder sany -397127 (52,7%).

Basty sózder: Qoǵam, Statıstıka, Pavlodar oblysy,
Joǵary qaraı