Aýa raıy
Astana 10 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Pavlodar oblystyq Indýstrııalyq-ınnovatsııalyq basqarmaǵa jańa basshy taǵaıyndaldy

2019 jyldyń 26 naýryz 2019 16:02

PAVLODAR. QazAqparat - Pavlodar oblystyq Indýstrııalyq-ınnovatsııalyq basqarmasynyń jańa basshysy bolyp Ǵanıbet Áýbákirov taǵaıyndaldy, dep habarlaıdy QazAqparat pavlodarnews.kz saıtyna silteme jasap.

Oblystyq ákimdikte ótken jınalysta óńir ákimi Bolat Baqaýov jańa basshyny tanystyryp, oǵan aımaqtyń resmı delegatsııasynyń shet elderge jasaǵan saparlary men áleýetti ınvestorlarmen kezdesýleri týraly qujattardy kóterip, jumystyń mán-jaıymen tanysýdy tapsyrdy.

«Sońǵy úsh jyldyń kóleminde bizdiń resmı delegatsııalarymyz Qytaıǵa, Belarýs Respýblıkasyna, Reseı Federatsııasynyń kórshiles óńirlerine jumys saparlarymen bardy. Sol kezde jasalǵan memorandýmdar men kezdesýlerdiń naqty nátıjesin kórsetý qajet», - dedi aımaq basshysy.

Ǵanıbet Áýbákirov 1982 jyly dúnıege kelgen. Eki joǵary bilimi bar. 2003 jyly Qaraǵandy qarjy ınstıtýtyn «ekonomıst-qarjyger», 2011 jyly Qaraǵandy «Bolashaq» ýnıversıtetin «quqyq» mamandyǵy boıynsha aıaqtady. Eńbek jolyn QR Indýstrııa jáne saýda mınıstrligi Ónerkásip komıteti Memlekettik aktıvter monıtorıngi jáne ishki ákimshilik etý basqarmasynyń sarapshysy bolyp bastady. 2014 jylǵy naýryz ben 2016 jylǵy qyrkúıek aralyǵynda - QR Indýstrııa jáne jańa tehnologııalar mınıstrligi Ónerkásip komıteti Ónerkásip saıasaty basqarmasynyń basshysy; QR Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıteti salaaralyq úılestirý basqarmasynyń basshysy bolyp qyzmet etti. 2016 jyldan bastap 2018 jylǵa deıin Ońtústik Qazaqstan oblysy kásipkerlik jáne ındýstrııalyq-ınnovatsııalyq damý basqarmasy basshysynyń orynbasary, basshysy, Túrkistan oblysy kásipkerlik jáne ındýstrııalyq-ınnovatsııalyq damý basqarmasynyń basshysy qyzmetin atqardy.

Sońǵy jumys orny - Pavlodar oblysy ákimi apparaty uıymdastyrý-ınspektorlyq bóliminiń bas ınspektory.

Basty sózder: Aımaq, Pavlodar oblysy, Taǵaıyndaý,
Joǵary qaraı