Awa rayı
Astana 23 °S
Almatı 22 °S
valyuta bağamı
USD 332.70
EUR 389.99
RUB 5.59
CNY 49.72

Parïj ulttıq operasınıñ jarıq juldızı Astanada şeberlіk sabağın ötkіzdі

2017 jıldıñ 21 nawrız 2017 09:38 952

ASTANA. QazAqparat - Äygіlі baletmeyster, Parïj ulttıq operasınıñ jarıq juldızı Sïrïl Atanasov «Astana Opera» balettіk trwppasına şeberlіk sabaq ötkіzdі.

Maestro teatr trwppasımen 13 men 17 nawrız aralığında jumıs іstedі, dep xabarladı «Astana Opera» teatrınıñ baspasöz qızmetі.

Jarqırağan eñbek jolında Sïrïl Atanasov köptegen köne, klassïkalıq jäne zamanawï qoyılımdardağı partïyalardı orındadı. Yu. Grïgorovïç, K. Makmïllan, R.  Nwreev, S. Lïfar, M. Fokïn, B. Nïjïnskïy jäne basqa da ataqtı xoreograftardıñ tusawkeserlіk spektaklderіne qatıstı. R. Petï qoyılımındağı M. Jarrdıñ «Parïj Quday Anasınıñ soborı» baletіndegі Klod Frollonıñ rölіn alğaşqı bolıp somdağandardıñ bіrі ekenіn atap ötken jön.

S. Atanasovtıñ Francïyanıñ balet önerіne qosqan ülesі eskerіlіp, memlekettіk marapattardı ïelendі, ol - «Eren eñbegі üşіn» Ulttıq ordenіnіñ, Öner jäne ädebïet ordenіnіñ kavalerі. Onıñ darındılığınıñ tağı bіr qırı - jarqın akterlіk şeberlіgі, bul ärtіske kïnofïlmderde komedïyalıq jäne dramalıq beynelerdі somdawğa mümkіndіk berdі.

Bul Sïrïl Atanasovtıñ Qazaqstanğa alğaşqı saparı boldı. Äygіlі baletmeyster «Astana Opera» balet trwppasınıñ käsіbï şeberlіgіnіñ joğarı ekenіn atap öttі.

- Klassïkalıq balet bul - kün ötken sayın osı іske bar jan-tänіmіzdі salwdıñ arqasında barlığımızdıñ bіrlesken talpınısımızdan twındaytın şeksіz körkem twındı ğana emes. Bul ärtіsterdіñ kündelіktі zor eñbegі, öytkenі älemnіñ kez kelgen trwppası ärbіr qoyılımğa dayındalw üşіn, bіrneşe ay jumıs jasaydı. Klassïkalıq spektaklge saxnağa şığw üşіn, bïşіge qajettі dene sımbatın saqtawdıñ özі edäwіr küş-jіgerdі qajet etedі, - dep äñgіmeledі Sïrïl Atanasov.

Qazaqstandıq ärtіster, bul jolı äygіlі balet professorımen ötken kezektі şeberlіk sabağı klassïkalıq baletke qajettі kіşіgіrіm texnïkalıq elementterdі jañaşa orındawğa mümkіndіk bergenіn atap öttі.

- Bіz bіrneşe kün klassïkalıq bïmen özgeşe ädіs boyınşa aynalıstıq. Älemnіñ kez kelgen elіnde negіzgі balet pozïcïyaları bіrdey bolğanmen, francwzdıq mektepte jattığw sabağında müldem basqa ädіs - bï elementterіn orındaw kezektіlіgі jäne olardı orındaw mänerі qoldanıladı. Onıñ negіzgі erekşelіgіnіñ bіrі - öte tez jäne muqïyat orındawdı qajet etetіn sekіrw, tandyu sïyaqtı kіşіgіrіm texnïkalar men basqa qïmıldardı jïі paydalanw, - dep atap öttі ärtіster..

 

 

Bastı sözder: Astana, Öner,

Pіkіr qaldırw

Joğarı qaray