Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Ózbekstanda valıýtanyń 36 paıyzyn kombankterdiń uıaly qosymshasy arqyly satyp alýda

2019 jyldyń 26 mamyr 2019 16:41

TAShKENT. QazAqparat - Ózbekstanda shetel valıýtasynyń 36 paıyzyn kommertsııalyq bankterdiń uıaly qosymshasy arqyly satyp alyp jatyr. Bul týraly Ortalyq banktiń baspasóz qyzmeti málimdedi, dep xabarlaıdy ÓzA agentigi.

Jeke tulǵalardyń uıaly qosymsha arqyly shetel valıýtasyn satyp alýy boıynsha (onlaın-konversııa) 2018 jyldyń sáýirinde engizilgen bank qyzmeti turǵyndar arasynda keńinen tanyldy.

Shetel valıýtasyn qashyqtyqtan satyp alý úshin otandyq bankte ashylǵan xalyqaralyq tólem kartasy, sondaı-aq banktiń sáıkes qosymshasy júktelgen smartfon qajet. Bul qyzmetti bankke barmaı-aq, táýlik boıy qoldanýǵa bolady. Bul valıýtalyq-aıyrbastaý operatsııasyn arttyrýǵa yqpal etedi.

2018 jyly jáne 2019 jyldyń 4 aıynda jeke tulǵalar 1,2 mlrd dollardan astam shetel valıýtasyn satyp alǵan. Onyń ishinde 432,3 mln dollary, ıaǵnı 36 paıyzy onlaın-konversııa úlesinde. Bir jyldyń ishinde bul qyzmettiń úlesi 9-dan 63 paıyzǵa deıin ósken.

Basty sózder: Ózbekstan, Bankter, Ekonomıka,
Joǵary qaraı