Awa rayı
Astana 4 °S
Almatı 20 °S
valyuta bağamı
USD 378.17
EUR 429.11
RUB 5.88
CNY 56.48

Özbekstanda «Ulı dala muraları» körmesі aşıldı

2019 jıldıñ 22 aqpan 2019 17:00 1104

TAŞKENT. QazAqparat - Taşkenttegі «Temіr äwletіnіñ tarïxı» memlekettіk mwzeyіnde «Ulı dala muraları» körmesі aşıldı. Elіmіzdіñ Mädenïet jäne sport mïnïstrlіgі men «Äzіret Sultan» memlekettіk tarïxï-mädenï qorıq-mwzeyі uyımdastırğan körmede 50-den asa foto jäne tarïxï baspa önіmderі qoyıldı, dep xabarlaydı QazAqparat tіlşіsі.

Xalıqaralıq körme Özbekstandağı Qazaqstan Respwblïkasınıñ jılına oray uyımdastırılğan bolatın. Ekі el prezïdentterіnіñ kezektі kezdeswіnde 2019 jılı Özbekstanda Qazaqstan jılın atap ötw twralı şeşіm qabıldanğan bolatın. Osılayşa ekі el arasında mädenï-gwmanïtarlıq baylanıstardı damıtwdıñ mañızın, tarïxımızdıñ ortaqtığın, rwxanï jañğırwımızdı nazarğa alıp, mädenï baylanıstı damıtw kerektіgіne toqtalğanı belgіlі.

Taşkenttegі şaranı «Äzіret Sultan» memlekettіk tarïxï-mädenï qorıq-mwzeyіnіñ dïrektorı Nurbolat Axmetjanov pen «Temіr äwletіnіñ tarïxı» memlekettіk mwzeyіnіñ dïrektorı Xwrşïd Fayzïev quttıqtaw sözben aşıp berdі.

null 

«Mädenïet jäne sport mïnïstrlіgіnіñ qoldawımen eñ alğaşqı іs-şaranı bastap Taşkent qalasına keldіk. Qorında 25 mıñnan astam jädіgerі bar «Äzіret Sultan» memlekettіk tarïxï-mädenï qorıq-mwzeyіnіñ Özbekstan Respwblïkasında körmenі ötkіzwdegі maqsatı - ekі el arasındağı mädenï-gwmanïtarlıq qarım-qatınastardı nığaytw, türkі älemіnіñ qara şañırağı Türkіstannıñ tarïxï ornın, onıñ mädenï-rwxanï kelbetіn aşıp körsetw, tarïxï jädіgerlerdі nasïxattaw, mädenï baylanıstı keñeytw, mwzeyler arasındağı kommwnïkacïyanı nığaytw. Rwxanï baylanıs, mädenï qarım-qatınası egіz qos eldіñ ıntımağı arta bersіn!»,-dedі qorıq-mwzey basşısı Nurbolat Qadırulı.

null

Körmede 1871-1872 jıldarı jïhankez A.Kwnnıñ «Türkіstan albomında» jarıq körgen Türkіstan qalası, Qoja Axmet Yasawï kesenesі, ondağı Ämіr Temіrdіñ buyrığımen jasalğan XІV ğasırdıñ qundı jädіgerlerі - Tayqazan, Lawha (twdıñ uşı), Şırağdandar, Esіkter men qorıq-mwzey qorındağı etnografïyalıq, arxeologïyalıq materïaldar, Türkіstan öñіrіndegі tarïxï-rwxanï orındardıñ fotoswretterі köpşіlіk nazarına usınıldı. Şara barısında özbekstandıq körme tamaşalawşılar «Türkіstan äfsanası» derektі fïlmіn de tamaşaladı.

Sonday-aq, qorıq-mwzey Memleket basşısı N.Ä.Nazarbaevtıñ «Bolaşaqqa bağdar: rwxanï jañğırw» bağdarlamalıq maqalasında körsetіlgen «Jahandağı zamanawï qazaqstandıq mädenïet» jobasın negіzge ala otırıp, Ulı dalanıñ rwxanï muraların şetelderde tanıtw, nasïxattaw arqılı elіmіzdegі tarïxï orındarğa şeteldіkterdіñ qızığwşılığın twdırwdı közdeydі.

Ayta keteyіk, «Äzіret Sultan» memlekettіk tarïxï-mädenï qorıq-mwzeyі  ötken jılı Türkïya Respwblïkasınıñ Kastamonw, Ankara, Bwrsa qalalarında «Qoja Axmet Yasawï muraları jäne Türkіstan» taqırıbında, Grekïyanıñ Salonïkï, Reseydіñ Soçï qalalarında xalıqaralıq körmelerge qatıstı. Al, Taşkenttegі körme bіr ay kelwşіlerge qızmet körsetedі.



null 

null 

 

Joğarı qaray