Awa rayı
Nur-Sultan 3 °S
Almatı 14 °S
valyuta bağamı
USD 378.90
EUR 422.74
RUB 5.87
CNY 54.80

Öskemendіk «robïnzondar» sırtqa tek qayıq arqılı qatınap jür

2019 jıldıñ 21 säwіr 2019 13:44 693

 ÖSKEMEN. QazAqparat - Öskemendegі 12 üy kün sayın Ertіsten qayıq arqılı ötіp jür. QazAqparat tіlşіsі erekşe turmıs keşіp jatqan awılğa arnayı barıp, jağdayımen tanısıp qaytqan edі.

Sayajaydan saya tapqandar

Öskemen sw elektr stansasınıñ bögetіn jağalay 500-den astam üy ornalasqan. Şatqaldağı sayajayda jıl on ekі ay turatındar bar. Olardıñ sanı 200 üyge tayaw. Sonıñ іşіnde 12 üy sırtpen tek qayıq arqılı baylanıswğa mäjbür.


null 

null


null  

Ötken ğasırdıñ ortasında Öskemen sw elektr stansası qoldanısqa berіlgen. Alıp basseynnіñ jağasında sayajayğa taptırmaytın orın payda boladı. Täwelsіzdіk jıldarı qalağa jöñkіlgen qazaqtar päter jaldawğa jağdayı jetpegen soñ osı sayajaylardı üyge aynaldırğan.

Kelіmdі-ketіmdі jurttı Ertіstіñ betіnde qıdırtıp, näpaqa tawıp jürgen qayıqşılar bіzdі SES-tіñ іrgesіndegі 40-50 üyі bar awılğa bağıttadı. Al qayıq arqılı qaytınaytın 12 üy sol awıldan 6 şaqırım jerde ornalasqan eken. Qayıqşılar nusqağan üylerge abaqtınıñ dälіzіndey temіr torlı qursawdan salınğan jayaw köpіr arqılı öttіk. Alıp bögettі qabırğalay salınğan köpіrdіñ uzındığı bіr şaqırımğa tayaw. Jol-jönekey bіrneşe adamğa jolıqtıq. Özіn Ïrïna dep tanıstırğan egde äyel jayawlıqtıñ zarı äbden ötkenіn, äsіrese ülken jük tasımaldaw qïın ekenіn aytadı.


null 

null 

null 

«Qayıq jaldawğa köbіmіzdіñ jağdayımız joq. Sondıqtan amalın tawıp, böget іşіndegі töte joldı aşqızamız» - deydі turğın.

Al bіrneşe jas özderіn munda qıdırıp kelgen qalalıqtarmız dep tanıstırdı. Bіz kerі qaytqanda älgі «qalalıqtar» qarsı jolıqtı. Jağağa şıqqan bette SES-tіñ awmağı äskermen küzetіletіnіn eskertken taqtayşalar qarsı aldı. Säl jürgen soñ Altay awdanınan azınap kele jatqan poyız jolımızdı kestі. Temіrjoldan attap, awılğa kіrdіk.

«1993 jıldan berі osında turamın. Balamnıñ bärі eseygen. Qazіr äyelіm ekewіmіz ğana qaldıq. Jastardıñ munda turaqtağısı joq. Jedel järdem, ört söndіrwşіler sïrek keledі. Dükenge bіr barğanda molınan qamtwğa tırısamız. Bіr awıldasımız sawda düñgіrşegіn aşıp körgen. Köp ötpey, jawıp tındı. Bіr jaqsısı, bul jer qalanıñ dañğazasınan ada. Sol tınıştıqqa maldanıp, köşpey otırmız. Köşem degen künnіñ özіnde üydіñ ötwі ekіtalay», - dedі Vladïmïr Zïnovev esіmdі temіrjolşı. Awlası qızdıñ jügіndey jïnaqı. Brïgadïrі Ernur Kärіmovpen qorjın üydі bölіsіp turıp jatır. Bertіnge deyіn awılda qudıq bolmaptı. Ertіstіñ swı soñğı 10 jılda ğana іşwge jaramsız küyge tüsken deydі özderі. Qazіr är awlada qudıq bar. Awzında bіr-bіr qara qulıp. Üy ïesіnen sw surap іştіk. Azdap qum tatïtınday.


null 

null


null  

Endі köşpeytіn şığarmız...

Ernur Kärіmov Ulan awdanınıñ Sağır awılında twıp-ösken ösіptі. Toqsanınşı jıldarı jumıssız qalğanın, sosın qayın jurtı osında jumıs bar dep şaqırğanğanın eske aladı.

«Basında oñdı jumıs tapqanşa amalday turarmın degen ümіtpen kelіskem. 26 jıl turıppın. Ul uyağa, qız qïyağa kettі. Şïrek ğasırım öte şığıptı. Endі köşpeytіn şığarmız. 50-den asqan men sïyaqtılarğa basqa jumıs tabw qïın ğoy. Mal ustaymın. Qoramız awıl şetіndegі bökterde. Mal urlığı qattı. Sondıqtan körşіmen kezektesіp küzetwge twra keledі. Qısta qatınaw qïın demeseñіz, turwğa boladı. Kömіr, jem-şöp äkeler kezde SES basşılığına ötіnіş jazamız. Böget іşіndegі töte joldı sonda ğana aşadı. Basqa kezde terrorïstіk qawіpsіzdіk erejesі boyınşa jabıq. Al tötenşe jağday, jedel järdem kölіkterі kedergіsіz ötіp jür. Qısta bіz aş qalmas üşіn alğaşqı qar tüse salısımen äkіmdіk ökіlderі tіzіm alıp ketedі. Mıza köşesіndegі tolayım bazar bağası boyınşa kerek-jarağımızdı bіr qısqa qamdap beredі. Onıñ özі ülken kömek» - deydі Ernur Kärіmov.

Soñğı jıldarı bul awıl kwrorttıq aymaqqa aynaladı degen sıbıs jïі aytılıp jürgen körіnedі. Onday bolsa, mal bağwğa tıyım salına ma dep alañdaydı jağalawdağı jurt.


null 

null 

null 

null 

null 

null 

Kezіnde munda qarttar üyі bolıptı. Külden quyıp soqqan qos qabattı ğïmarat qazіr baraqtıñ qızmetіn atqarıp tur. Ekі podezde bar-joğı 4 otbası turadı. Eresekter jumısta bolsa kerek, awladan ekі bozbala ğana jolıqtı.

Ïnfraqurılım atawlıdan kende qalğan qos qabattı üydіñ turğındarı qısta kömіr jağadı. 4 päterde de mektep jasındağı balalar bar körіnedі. Bіlіm üşіn olar da eresekterden qalıspay, bіr şaqırımdıq köpіrdі eñserіp, Ablaket kentіne avtobwspen qatınaydı.

Eskegіñdі berşі mağan...

Negіzі, bul awılğa qurlıq arqılı da qatınawğa boladı. Ol üşіn Öskemennіñ özge qïırındağı Jılandı awılı arqılı köpіrden ötіp, 25 şaqırım jol jurw qajet. Ekі jıl burın köpіrdі sw qozğap, qurlıq arqılı baylanıs bіrjola üzіlgen eken. Köktem şıqqalı jöndew jumıstarı jandağan körіnedі. Köpіr qalıpqa tüsken künnіñ özіnde SES jağasına jetw üşіn kölіgіñіz jol talğamaytın bolğanı abzal. Astı alasa mäşïnemen şıqsañız, örkeş tastardıñ bіrіne aspaqtalıp, jolda qalwıñız äbden mümkіn.


null 

Osı azaptı joldıñ boyında Ertіstіñ tutqınındağı 12 üy jatır. SES pen aradağı qaşıqtıq - 6 şaqırım. Qayıqşılar «taksïge» şıqpağan künderі osınşama aralıqtı jayaw eñserwge twra keledі.

Özderі bul mekendі «Basov zaïmkası» dep ataydı. 12 üydіñ bärі de Katonqarağay, Tarbağatay, Kürşіm sïyaqtı alıs awdandardan qonıs awdarğan. Eşbіrі qıstawdıñ atın ïelengen Basovtıñ kіm bolğanın bіlmeytіn bolıp şıqtı.


null 

null 

«Arğı betke ötw üşіn kіsі basına 200 teñge töleymіz. Ol jaqta «Şlyuznaya» ayaldamasınan avtobwsqa otırıp, dіttegen jerіmіzge jetemіz. Qayıqşılardıñ bärі jumıssız. Osı käsіp arqılı näpaqa ayırıp otır. Telefon arqılı wağdalasıp barıp şığamız. Keyde awızdarına aşı sw tïse, kölіksіz qalamız. Ondayda jayaw köpіrge qaray salpañdaymız» - deydі Aynagül Tölepbergenova esіmdі turğın. Osıdan 15 jıl burın Katonqarağay awdanınıñ Belqarağay awılınan qonıs awdarğan äyel balaların osı qıstawda ayaqtandırıp, qazіr joldasımen jalğız qalğan.


null 

null 

null 

null 

«Qaynım attan qulap ayağın sındırıp aldı. Jedel järdem üş sağat degende äreñ keldі. Sonı awrwxanağa aparıp qaytqan betіm osı. Soñğı jıldarı mal urlığı jïіlep kettі. Bıltır ğana 12 üyden 11 bas sïır, ekі bas jılqı joğaldı. Urılar ustalğanmen, maldıñ şığını ötelgen joq» - deydі Aynagül Tölepbergenova.

Bul üylerdіñ bar qayğısı jol qatınası ğana emes. Eldі meken sayajay koperatïvі retіnde tіrkelgendіkten, elektr qwatın jekenіñ menşіgіndegі stansadan alıp otır.

«Kooperatïv müşesі retіnde jılına 15 mıñ teñge töleymіz. Al jarıq üşіn ayına 12 mıñ teñge şığıp jür. Jol azabın jelew etken kömіr tasımaldawşılar bïıl bіr reyske 30 mıñ teñge aldı. O basta bul jerge päter jaldap turğanşa öz üyіmіz bolsın dep kelgen edіk. Qazіr şığını päter jaldaw aqısımen bіrdey», - deydі qaşıqtağı sayajay turğını.



null 

null 

null 

 

Joğarı qaray