Aýa raıy
Astana 8 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Óskemende jastar arasyndaǵy jyrshylar saıysynda 6-synyp oqýshysy jeńimpaz atandy

2019 jyldyń 21 naýryz 2019 20:26

ÓSKEMEN. QazAqparat - Óskemende Naýryz merekesine oraı ótken jyrshylar baıqaýynda 6-synyp oqýshysy jeńimpaz atandy, dep habarlaıdy QazAqparat tilshisi.

Ulystyń uly kúnine oraı uıymdastyrylǵan baıqaýǵa 30-ǵa jýyq úmitker qatysty. Aldyn ala irikteýden ótken 6 úmitker Respýblıka alańyna jınalǵan kópshilik aldynda óner kórsetti. Jyrshylardan ózderi qalaǵan dastandy naqyshyna keltire, múdirmeı aıtý talap etildi. Dastannan jattaǵan úzindi úsh mınýttan qysqa bolmaý kerek degen shart ta qoıyldy. Jastar arasyndaǵy baıqaýǵa mektep oqýshylary da belsendi qatysty. Úmitkerler «Alpamys», «Qobylandy batyr» sııaqty epostyq jyrlarmen qosa Muhtar Shahanov pen Maǵjan Jumabaevtyń poemalaryn naqyshyna keltire oryndady.

Baıqaý qorytyndysy boıynsha «Qobylandy batyr» jyryn erekshe maqammen múdirmeı aıtyp shyqqan 6-synyp oqýshysy Sabılııan Baqyt jeńimpaz atandy. Ekinshi oryndy Rıdder qalasynan arnaıy kelgen 7-synyp oqýshysy Mahmut Jánibek ıelendi. Al úshinshi oryn Shyǵys Qazaqstan gýmanıtarlyq kolledjiniń stýdenti Aısymbat Erkinge buıyrdy.

«Ulymdy kishkene kúninen jańyltapsh jattatyp, aýyz ádebıetine áýes qylyp tárbıelep kelemiz. Epostyq jyrlardan bólek Móńke bı men Mahambettiń tolǵaýlaryn jatqa biledi» - deıdi baıqaý jeńimpazynyń ákesi Amantaı Baqytuly.

Al uıymdastyrýshylar baıqaýdy dástúrli sharaǵa aınaldyrmaq.

«Jyrshylar saıysyna halyqtyń qyzyǵýshylyǵy osynsha joǵary bolady dep oılaǵan joq edik. Qatysýǵa nıet tanytqandar kóp boldy. Sondyqtan, aldaǵy ýaqytta baıqaýdyń erejelerin shıratyp, budan da úlken aýqymda ótkizsek degen oıymyz bar. Jas býynnyń aýyz ádebıetine degen qyzyǵýshylyǵy jaqsy. Búgingi baıqaýda irikteýden ótken úmitkerlerdiń kóbi mektep oqýshylary bolǵanyn ózderińiz de kórdińizder» - deıdi O.Bókeı atyndaǵy qalalyq kitaphana dırektory Janar Kenjebekqyzy.




null


null


null


null


null


null

Joǵary qaraı