Awa rayı
Nur-Sultan 10 °S
Almatı 16 °S
valyuta bağamı
USD 383.69
EUR 429.08
RUB 5.97
CNY 55.39

Oralda jumısınan zañsız qwılğan oqıtwşı 500 mıñ teñgesіn sot arqılı qaytarıp aldı

2019 jıldıñ 21 aqpan 2019 18:10 1205

ORAL. QazAqparat  - BQO azamattıq іster jönіndegі sot alqası oraldıq oqıtwşınıñ quqığın qorğap, onı burınğı jumısına qayta ornalastırdı, dep xabarlaydı QazAqparat tіlşіsі.

BQO sotınıñ baspasöz qızmetіnen tüsken mälіmetke qarağanda, «№1 balalar öner mektebі» MKQK dïrektorı T.Älіmbaevtıñ 2017 jılğı 31 tamızdağı №33-Q buyrığımen oqıtwşı Qundız Quzanbaeva jumıstan şığarılğan.

Oral qalası №2 sotınıñ 2018 jılğı 5 jeltoqsandağı şeşіmіmen Q.Quzanbaevanıñ atalmış buyrıqtı zañsız dep tanw, jumısqa qayta ornalastırw twralı talap arızı qanağattandırwsız qaldırılğan. Bіrіnşі satıdağı sottıñ şeşіmіmen kelіspegen talap qoyuşı apellyacïyalıq şağım keltіrgen.

Apellyacïyalıq alqa bіrіnşі satıdağı sot şeşіmіnіñ küşіn tolıqtay joya otırıp, talaptı qanağattandırw twralı jaña şeşіm şığardı.

Atalğan buyrıq zañsız dep tanılıp, küşі joyıldı.

Sot alqası otırısında mälіm bolğanınday, Qundız Quzanbaeva atalmış mektepke 2015 jılı jumısqa kіrіsіp, bіr jıl merzіmge kelіsіmşartqa otırğan. Ekі ret kelіsіmşart merzіmі uzartılğan. Üşіnşіde bul kelіsіmşart uzartılmay tastalğan. Bul daw aldımen sol mekemedegі kelіsіm komïssïyasında qaralwı tïіs edі. Alayda komïssïya joq degen sebeppen mäsele qaralmağan. Keyіn sot şeşіmіmen komïssïya qurılıp, qaralğanımen, oqıtwşınıñ arızı qanağattandırılmadı. Sodan keyіn ol sotqa jügіnwge mäjbür bolğan.

Apellyacïyalıq sot alqası şeşіm şığarğan kezde sol kezde küşіnde bolğan burınğı Eñbek kodesі  men ujımdıq kelіsіmşart talaptarınıñ buzılğanın eskerdі.

Osılayşa sergeldeñge tüsken talapker burınğı jumısına qaytadan ornalastırılıp, onıñ paydasına mäjbürlі türde 6 ay bos jürgendegі 500 mıñğa jwıq teñge ortaşa eñbekaqısı men 150 mıñ teñge kölemіnde moraldıq zïyan öndіrіldі.

Sonımen qatar osı іs boyınşa anıqtalğan zañbuzwşılıqtar jönіnde tïіstі şara qoldanw üşіn BQO bіlіm basqarmasınıñ basşılığı atına arnayı jeke uyğarım şığarıldı.

Sot otırısı ayaqtalğannan keyіn talap qoyuşınıñ ökіlі (äkesі) Oralxan Quzanbaev 2017 jıldan berі jalğasıp kele jatqan dawğa nükte qoyğan apellyacïyalıq sot alqasınıñ şeşіmіne rïza ekendіgіn bіldіrdі.

Eske sala keteyіk, budan burın peştіñ murjasın awıstırğan oraldıq turğınnıñ sotta jawap berіp, aqırı aqtalğanın jazğan bolatınbız.

 

 

 

Avtor: Eljan Eralı
Bastı sözder: Bіlіm, Batıs Qazaqstan oblısı, Sot,
Joğarı qaray