Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Oralda joǵalǵan úsh jasar bala eki saǵatta anasyna qaıtaryldy

2019 jyldyń 22 sáýir 2019 13:25

ORAL. QazAqparat - Oralda úıinen shyǵyp, adasyp ketken úsh jasar qyz bala ata-anasymen qaýyshty, dep habarlaıdy QazAqparat tilshisi.

Oral qalalyq Polıtsııa basqarmasynyń baspasóz qyzmetkeri Gúlaman Ismaǵulovanyń aıtýynsha, oqıǵa 19 sáýir kúni bolǵan.

Anasy úsh aılyq sábıin uıyqtatyp jatqan kezde úsh jasar qyzy syrtqa oınaýǵa shyǵyp ketken. Turǵyn úıdiń aýlasynan asyp, kórshilerdiń baqtaryn jaǵalap júrgende, baǵytynan jańylyp, qaıtar joldy taba almaı qalǵan.

Ony №5 emhana mańaıynan táýliktik kezekshilikte júrgen polıtsııa kapıtany Tımýr Mambeshov taýyp alady. «Úıiń qaı tusta, ata-anań qaıda?» degen suraqtaryna naqty jaýap ala almaǵan. Ústinde jeńil kóılek pen keýdeshe, aıaǵynda súıretpe bolǵan.

Polıtsııa qyzmetkeri qyz balany Oral qalasynyń Polıtsııa basqarmasyna jetkizgen. Budan keıin ıývenaldy polıtsııa tobynyń aǵa ınspektory Mádına Quspanova ony sýretke túsirip, erikti jastardy tartyp, túrli áleýmettik jelilerge málimetti júktegen.

Eki saǵattan soń «102» telefonyna habarlasqan áıel qyzyn joǵaltqanyn aıtqan. Ony M.Quspanova men T.Mambeshov basqarmaǵa shaqyrdy.

Qyzymen jylap kórisken anasy tártip saqshylaryna alǵysyn aıtyp, úıine qaıtty.

Avtor Eljan Eraly
Basty sózder: Oqıǵa, Batys Qazaqstan oblysy, Aımaq,
Joǵary qaraı