Awa rayı
Nur-Sultan 6 °S
Almatı 15 °S
valyuta bağamı
USD 379.36
EUR 424.47
RUB 5.88
CNY 54.95

Oralda joğalğan üş jasar bala ekі sağatta anasına qaytarıldı

2019 jıldıñ 22 säwіr 2019 13:25 954

ORAL. QazAqparat  - Oralda üyіnen şığıp, adasıp ketken üş jasar qız bala ata-anasımen qawıştı, dep xabarlaydı QazAqparat tіlşіsі.

Oral qalalıq Polïcïya basqarmasınıñ baspasöz qızmetkerі Gülaman Ïsmağulovanıñ aytwınşa, oqïğa 19 säwіr künі bolğan.

Anası üş aylıq säbïіn uyıqtatıp jatqan kezde üş jasar qızı sırtqa oynawğa şığıp ketken. Turğın üydіñ awlasınan asıp, körşіlerdіñ baqtarın jağalap jürgende, bağıtınan jañılıp, qaytar joldı taba almay qalğan.

Onı №5 emxana mañayınan täwlіktіk kezekşіlіkte jürgen polïcïya kapïtanı Tïmwr Mambeşov tawıp aladı. «Üyіñ qay tusta, ata-anañ qayda?» degen suraqtarına naqtı jawap ala almağan. Üstіnde jeñіl köylek pen kewdeşe, ayağında süyretpe bolğan.

Polïcïya qızmetkerі qız balanı Oral qalasınıñ Polïcïya basqarmasına jetkіzgen. Budan keyіn yuvenaldı polïcïya tobınıñ ağa ïnspektorı Mädïna Quspanova onı swretke tüsіrіp, erіktі jastardı tartıp, türlі älewmettіk jelіlerge mälіmettі jüktegen.

Ekі sağattan soñ «102» telefonına xabarlasqan äyel qızın joğaltqanın aytqan. Onı M.Quspanova men T.Mambeşov basqarmağa şaqırdı.

Qızımen jılap körіsken anası tärtіp saqşılarına alğısın aytıp, üyіne qayttı. 

 

 

Avtor: Eljan Eralı
Bastı sözder: Aymaq, Batıs Qazaqstan oblısı, Oqïğa,
Joğarı qaray