Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Oralda zańsyz psıhotroptyq dári-dármek satqan áıel ustaldy

2019 jyldyń 15 naýryz 2019 17:07

ORAL. QazAqparat - Oral qalasynda respýblıkalyq «Dopıng» jedel aldyn alý sharasy barysynda zańsyz psıhotroptyq dári-dármek satqan áıel ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, 11 naýryzdan bergi úsh kún ishinde QR QK 296-baby 2-3-bólimderine sáıkes (esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) 9 qylmystyq quqyqbuzýshylyq tirkeldi.

Sonymen qatar QR Ákimshilik quqyqbuzýshylyq kodkesi 424-baby 1-bóligine sáıkes (zańsyz medıtsınalyq nemese farmatsevtıkalyq qyzmet) 1 derek anyqtaldy.

Atap aıtqanda, 12 naýryz kúni psıhotroptyq dári-dármekti zańsyz taratýmen aınalysqan 1981 jylǵy D. degen azamatsha qolǵa tústi. Onyń sómkesin qaraǵan kezde 31 quty jáne 11 qorapqa salynǵan psıhotroptyq dári-dármek tabyldy.

Qazirgi kezde atalǵan áıelge qatysty ákimshilik hattama toltyryldy.

Joǵary qaraı