Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Oralda tartylǵan qus etin zańsyz tasymaldaǵan júk kóligi ustaldy

2019 jyldyń 15 qazan 2019 18:51

ORAL. QazAqparat – Oral qalasynda tartylǵan qus etin tıegen júk kóligi ustaldy, dep habarlaıdy QazAqparat.

QR Qarjy mınstrligi Memlekettik kirister komıtetiniń habarlaýynsha, tartylǵan qus etiniń salmaǵy – 18 960 kg.

«Júrgizýshisi DAF markaly kóligimen Reseı Federatsııasy, Samara qalasy, «Mıasnoı Mır» JShQ-dan júk tasymaldaǵan. Kólik júrgizýshisi tartylǵan qus etin Oral qalasyndaǵy «Prod-Interservıs» JShS-ǵa alyp kelmek bolǵan. Aqparattyq júıe derekterine sáıkes, ol 2010 jyldyń 15 sáýirinen bastap jumysyn toqtatqan» delingen baspasóz habarlamasynda.

Osylaısha, qujatta jáne CMR-de júk alýshy týraly aqparatty burmalaý túrinde zańbuzýshylyq oryn alǵan.

«Júkti naqty kim qabyldap alatyny anyqtalǵannan keıin júk kóligi arnaıy turaqqa qoıylyp, qujatta durys aqparat berilmegeni úshin júrgizýshige qatysty ákimshilik is qozǵaldy» delingen habarlamada.

Keıinirek júkti qabyldap alýshy memlekettik kirister organynda jeke kásipker retinde tirkelmegen jeke tulǵa bolyp shyqty. Júkti alýshyǵa qatysty ákimshilik is qozǵalyp, taýary tárkilendi jáne materıaldar Oral qalasynyń ákimshilik sotyna jiberildi.

«Ákimshilik sot ákelinetin taýarlarǵa QQS-ny tirkemegen jáne tólemegen kúıi kásipkerlik qyzmetti júzege asyrǵany úshin aıyppul saldy. Jeke tulǵa Oral qalasyndaǵy Memlekettik kirister basqarmasyna jeke kásipker retinde tirkelip, odan keıin 1,3 mln teńge kólemde qosymsha qun salyǵyn tóleıtini týraly ótinish jazdy», - deıdi komıtetten.

Avtor: Zarına Qaharman

Joǵary qaraı