Aýa raıy
Astana -2 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Oralda polıtsııa kóligi «Sharanmen» túıisti

2019 jyldyń 14 naýryz 2019 16:12

ORAL. QazAqparat - Oralda búgin polıtsııanyń «Nıva» avtokóligi «Sharanmen» túıisti, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, oqıǵa saǵat 10.40 shamasynda Dostyq pen Eýrazııa dańǵyldarynyń qıylysynda boldy.

Jol-kólik oqıǵasy saldarynan eshkim zardap shekken joq.

Oqıǵaǵa kýáger bolǵandar polıtsııa qyzmetkerleriniń áriptesteriniń kelýin kútpeı, óz kóligin ornynan qozǵap, alyp ketkendigin jetkizdi.

Buǵan departamenttiń baspasóz qyzmeti: «Polıtsııa qyzmetkerleri oqıǵa ornynan boı tasalaǵan joq. Tek basqa kólikterdiń qozǵalysyna kedergi keltirmeý úshin joldan qyzmettik kólikterin aldy. Oqıǵa ornynda polıtsııa qyzmetkerleri jumys jasady. Atalǵan derek Oral qalasy polıtsııa basqarmasynyń esep jýrnalynda tirkeldi», dep jaýap berdi.

Joǵary qaraı