Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Oralda oqýshy qyzdy urlamaq bolǵan kúdikti ustaldy

2019 jyldyń 18 qazan 2019 16:27

ORAL. QazAqparat – Oralda oqýshy qyzdy urlamaq bolǵan kúdikti ustaldy, dep habarlaıdy QazAqparat tilshisi.

BQO polıtsııa departamenti bastyǵynyń birinshi orynbasary Serik Súıinbaevtyń málim etkenindeı, atalǵan oqıǵa týraly qyzdyń ata-anasy birden polıtsııaǵa júginbegen.

Áleýmettik jelide aqparat tarap ketkennen keıin jedel tergeý toby men ýchaskelik ınspektor qyzdyń mekenjaıyna baryp, sodan soń tergeý amaldary júrgizildi.

«Jedel izdestirý sharalary barysynda 1973 jylǵy er adam qolǵa tústi. Qyz ony tanydy. Keshe QR QK 293-baby 1-bóligine sáıkes (buzaqylyq) sotqa deıingi tergeý amaldary bastalǵan bolatyn. Búgin qylmys 125-bap 2-bóligine (adam urlaý) qaıta dárejelendi. Qylmystyń anyq-qanyǵy týraly keıin aıtylatyn bolady», - dedi S.Súıinbaev.

Ol, sondaı-aq, qyzdy qutqaryp qalǵan áıeldiń kim ekendigi anyqtalyp jatqandyǵyn jetkizdi.

Eske sala keteıik, budan buryn Oralda mektep oqýshysyn er adamnyń urlap ketpek bolǵanyn jazǵan edik.

Joǵary qaraı