Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Oralda mektep oqýshysyn er adam urlap ketpek bolǵan

2019 jyldyń 18 qazan 2019 08:13

ORAL. QazAqparat – Oralda mektep oqýshysyn er adam urlap ketpek bolǵan, dep habarlaıdy QazAqparat tilshisi.

Qaladaǵy №44 mektep-gımnazııasynyń dırektory Aqjarqyn Temirhanovanyń aıtýynsha, oqıǵa 16 qazan kúni oryn aldy.

Osy bilim ordasynyń 5-synyp oqýshysy sabaq aıaqtalǵan soń saǵat 17.30-da mektepten shyǵyp, D.Qonaev atyndaǵy shaǵynaýdanda №27 úıge qaraı ketip bara jatqan.

Sol mezgilde qara kıim kıgen beıtanys er adam artynan kelip, moınynan ustap, artqa qaraı súıregen. Qoryqqan qyz bala qatty shyńǵyryp jibergen. Onyń daýysyn estigen áıel sý quıatyn ydysymen er adamdy soqqylap, qyzdy qutqaryp qalǵan. Bul týraly keshkisin saǵat 21.00-de qyzdyń anasy oqýshynyń kýratoryna habarlaǵan.

«17 qazan kúni qyzdyń ata-anasy mektepke shaqyrtylyp, bolǵan jaǵdaı anyqtaldy. Mektep ákimshiligi tarapynan anasy men qyzyna psıhologııalyq kómek kórsetildi. Oqıǵa jóninde mektep ınspektoryna da eskertildi. Sondaı-aq ata-anasy qyzyn sabaqtan keıin ózi alyp ketetini týraly qolhat jazdy», dedi A.Temirhanova.

BQO polıtsııa departamentiniń baspasóz qyzmeti qazirgi kezde mán-jaıdyń anyqtalyp jatqandyǵyn jetkizdi.

Joǵary qaraı