Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Oralda qos avtokólik túıisip, alty adam zardap shekti

2019 jyldyń 15 shilde 2019 16:57 238

ORAL. QazAqparat – Oralda qos avtokólik túıisip, alty adam zardap shekti, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, oqıǵa 12 shilde kúni shamamen saǵat 20.00-de oryn aldy.

N.Nazarbaev dańǵylymen kele jatqan «VAZ-11183» avtokóligi M.Yqsanov kóshesimen qıylysta solǵa burylǵan kezde qarsy bettegi «Lada 21144» avtokóligine jol bermeı, soqtyǵysqan.

«VAZ-11183» avtokóliginiń júrgizýshisine qatysty QR Ákimshilik quqyqbuzýshylyq kodeksi 610-babyna sáıkes ákimshilik hattama toltyryldy.

Oblystyq densaýlyq saqtaý basqarmasynyń málimeti boıynsha atalǵan jol apaty saldarynan 6 adam zardap shekti. Olardyń bireýi aýrýhanaǵa jatýdan bas tartty. Qalǵandary oblystyq kópbeıindi aýrýhanaǵa jetkizildi. Dárigerler qaraǵannan keıin ambýlatorlyq em alýǵa jiberildi.

Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı