Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Oralda №1 emhananyń shatyry qulady

2019 jyldyń 11 naýryz 2019 18:07

ORAL. QazAqparat - Oralda №1 qalalyq emhana shatyrynyń bir bóligi qulady, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa keshe saǵat 13.00 shamasynda oryn aldy.

Keshe jańbyr aralas qar jaýǵany belgili. Sonyń salmaǵyn kótere almaı, shatyrdyń bir bóligi qulaǵan. Onyń aýmaǵy - 20 sharshy metr.

Atalmysh ǵımarat 1972 jyly salynǵan. 2006-2007 jyldary kúrdeli jóndeý júrgizilgenimen, shatyry sol kúıinde qalǵan. Shatyryn bıyl jóndeý josparlanǵan.

«Qazirgi kezde atalǵan aýmaq tazartylyp, qajetti qurylys materıaldary alyndy. Endi jóndeý jumystary bastalady», dedi QazAqparat tilshisine A.Saqposynova.

BQO TJ departamentiniń baspasóz qyzmetinen túsken málimetke qaraǵanda, bıyl jyl basynan beri oblysta 27 ǵımaratta shatyrdyń ishinara qulaýy tirkelgen.

Qazirgi tańda qardyń tez erýine baılanysty kóshelerde sý jınalýda, kóp qabatty úılerdiń tóbelerindegi muz súńgileri de qaýipti bolyp otyr.

Eske sala keteıik, budan buryn oblysta taǵy bir úıdiń tóbesi qulaǵanyn jazǵan bolatynbyz.

Joǵary qaraı