Aýa raıy
Astana 25 °S
Almaty 29 °S
valıýta baǵamy
USD 383.98
EUR 430.63
RUB 6.11
CNY 55.83

Óńirlik basqarý tıimdi bolsa, memleket damıdy - sarapshy

2019 jyldyń 19 maýsym 2019 17:33 557

NUR-SULTAN. QazAqparat - Jergilikti ózin-ózi basqarý organdarynyń múkindigin keńeıtý qajet. Bul týraly Qazaqstan Strategııalyq zertteýler ınstıtýtynyń Almatydaǵy ókildiginiń tóraǵasy Ásel Áben aıtty, dep habarlaıdy QazAqparat.

«Qazaqstannyń jańadan saılanǵan Prezıdenti Qasym-Jomart Toqaev ulyqtaý rásiminde sóılegen sózinde Úkimetke júkteletin 10 negizgi baǵytty atady. Elbasy N.Á. Nazarbaevtyń sarabdal saıasatyn jalǵastyra otyryp, qoǵamda ádildik ornatý, arqyly ekonomıkalyq-áleýmettik damýǵa qol jetkizý basty ustanym bolmaq. Atalǵan 10 baǵyttyń árqaısysy keshendi mindetterdi júkteıdi. Keıbir baǵyttardy sanadan qaıta ótkizip,  naqty nátıje úshin jumys isteýge kúsh salý qajettigi aıtyldy. Prezıdent Qasym-Jomart Toqaev halyqtyń kirisin kóbeıtý, jemqorlyqty aýyzdyqtaý eldi jumyspen qamtý, adam kapıtalyn damytý sııaqty ózekti problemalarmen qatar óńirlerdi damytýǵa kóp kóńil bólý kerektigin aıtty. Durys aıtylǵan oı.  Tıimdi óńirlik saıasat - memleket damýynyń mańyzdy tetigi», - dedi Ásel Áben.

Onyń aıtýynsha, Qazaqstan óńirleriniń damý deńgeıi árkelki.

«Halqynyń áleýmettik qurylymy da, ekonomıkasynyń mamandanýy da bir-birine uqsamaıdy. Sondyqtan, búgingi kúnniń mańyzdy talaptarynyń biri - óńirlerdiń teńgerimdi damýy. Óńirler qazir jahandaný, básekelestik, yntymaqtasý sııaqty birneshe syn-qatermen betpe-bet kelip otyr. Eldik aýqymda alsaq, atalmysh faktorlar óńirdiń naryq múmkindigi men aýmaqtyq aıyrmashylyǵyn, eńbek bólinisi men ómir sapasyn aıqyndaıdy. Memlekettik óńirlerdi damytý saıasaty osynyń bárin eskerýi qajet», - deıdi sarapshy.

Ásel Áben keıbir naqty problelamalar óńirlik deńgeıde sheshilý kerektigin de aıtty.

«Bul týraly Memleket basshysy da aıtty. Jergilikti ózin-ózi basqarýǵa basymdyq berýdiń jan-jaqty negizi bar. «Qazaqstan-2050», «100 naqty qadam» strategııalarynda memlekettik basqarýdy ortalyqsyzdandyrý, ózin-ózi basqarýdy damytý memlekettik saıasattyń basym baǵyttarynyń biri bolyp belgilengen», - deıdi startegııalyq zertteýler ınstıtýtynyń sarapshysy.

Ásel Áben jergilikti ózin-ózi basqarýdyń tıimdi bolýyna qaýipsizdik, baqýattylyq, halyq suranysynyń qanaǵattandyrylýy sııaqty mańyzdy dúnıelerdiń táýeldi ekenin aıtady.

«Jergilikti atqarýshy organdar ondaǵy máslelermen etene jaqyn tanys. Al ony sheshý joldary tıimdi bolýy úshin jergilikti organnyń áleýeti artýy tıis. Ondaı organdardyń qarjylyq jáne ózge de múmkindikterin keńeıtý kerek. Sońǵy jyldary Qazaqstanda jergilikti ózin-ózi basqarýǵa kóńil bólinip keledi. Byltyrdan beri 1066 eldi meken óz bıýdjetin halyqpen kelise otyryp jumsaýǵa qol jetkizdi. 2020 jylǵa qaraı eldegi barlyq aýyldardyń óz bıýdjeti bolady degen jospar bar. ıAǵnı, kelesi qadam ózin-ózi basqarý organdarynyń qyzmet aıasy men ókilettigin keńeıtýge, sáıkesinshe jaýapkershiliktiń kúsheıýine baǵyttalýy kerek», - deıdi ol.

 

 

Joǵary qaraı