Aýa raıy
Astana 12 °S
Almaty 20 °S
valıýta baǵamy
USD 386.70
EUR 427.15
RUB 6.06
CNY 54.57

On kún buryn joǵalyp ketken petropavldyq jigit tabyldy

2019 jyldyń 16 tamyz 2019 10:17

PETROPAVL. QazAqparat – On kún buryn iz-túzsiz ketken Petropavl qalasynyń turǵyny Rýslan Moıseenko aman-saý úıine oraldy, dep habarlaıdy QazAqparat tilshisi.

Esterińizde bolsa, 27 jastaǵy Rýslan Moıseenko 6 tamyz kúni keshki saǵat jetiler shamasynda úıinen shyǵyp ketken.

SQO Polıtsııa departamenti baspasóz qyzmetiniń habarlaýynsha, Petropavl qalasy Polıtsııa basqarmasy krımınaldy polıtsııa bóliminiń qyzmetkerleri birden izdeýge kiristi. Eriktiler de óz kómekterin usyndy. Áleýmettik jelide joǵalǵan jigittiń sýreti men belgileri jarııalanyp, týǵan-týystary men áriptesteri suraldy.

15 tamyz kúni jigit aman-esen úıge oraldy. Onyń aıtýynsha, eńbekaqy alǵasyn Nur-Sultan qalasyna avtobýspen jol tartqan. Osy ýaqytqa deıin astanada bolǵan ol úıine jol-jónekeı kezdesken kólikpen jetken.

Joǵary qaraı