Aýa raıy
Astana 21 °S
Almaty 20 °S
valıýta baǵamy
USD 386.34
EUR 427.25
RUB 5.88
CNY 54.57

Ómirzaq Shókeev kombaınmen bıdaı ordy

2019 jyldyń 16 shilde 2019 17:54 393

ORDABASY. QazAqparat - Búgin Túrkistan oblysynyń ákimi Ómirzaq Shókeev Ordabasy aýdany Bórjar eldi mekenindegi «Maqta kompanııasy» JShS-na bardy, dep habarlaıdy óńir basshysynyń baspasóz qyzmeti. 

Ol munda jalpy oblystaǵy egis kólemimen, aýyl sharýashylyǵy salasyndaǵy jumystarmen tanysty. Sondaı-aq, sharýalarmen kezdesip, usynystaryn tyńdady. Sonymen qatar, ákim egis alqabynda kombaın júrgizip, bıdaı ordy.



Qazirgi tańda oblystaǵy bıdaı alqabynyń 44 paıyzy orylǵan. ıAǵnı, 94 myń gektardan 183 myń tonna astyq jınalyp otyr. Jalpy 218 myń gektardyń ár gektarynan 21 tsentnerden ónim alǵanda 463 myń tonna bıdaı alý josparlanýda. Egin orýǵa qolda bar 1012 astyq kombaınynyń 90-95% daıyndalyp, jınaý jumystaryna kirisken.

Astyqpen qatar, aýyl sharýashylyǵy daqyldarynan búgingi tańǵa 211,4 myń tonna kartop, 553,3 myń tonna kókónis, 592,4 myń tonna baqsha daqyldary jınalyp, ishki suranystan basqa Nur-Sultan, Almaty qalasy men basqa oblystarǵa jáne shetelge eksporttalýda. Jyl sońyna deıin 2,7 mln tonna kartop, kókónis, baqsha ónimderin jınaý josparlanyp otyr.

Egis alqabynda oblystyq aýyl sharýashylyǵy basqarmasynyń basshysy Nurbek Badyraqov óńirdiń saladaǵy jetistikterin málimdedi.

«Túrkistan oblysynda aǵymdaǵy jyly aýyl sharýashylyǵy daqyldarynyń egis kólemi 823 myń gektarǵa egildi. Bul 2018 jyldan 9,8 myń gektarǵa artyq. Sondaı-aq, aýyl sharýashylyǵy daqyldaryn ártaraptandyrýǵa sáıkes arpa – 1,8 myń gektarǵa kóbeıip, 40 myń ga, dándik júgeri – 2,2 myń gektarǵa, 46 myń ga, kartop, kókónis, baqsha daqyldary – 5,9 myń gektarǵa, 119,8 myń ga, mal azyqtyq 15,9 myń gektarǵa artyp, 205,8 myń gektardy qurap otyr. Al bıdaıdyń egis kólemi bıyl 218 myń gektarǵa jetse, maıly daqyldar – 96,8 myń ga, maqta – 129 myń ga egildi. Aldyn ala jasalynǵan boljamdyq esep boıynsha 218,6 myń ga masaqty daqyldardyń ár gektarynan ortasha 21,2 tsentnerden jalpy 462 myń tonna ónim alý kútilýde», – dedi Nurbek Baqtybaıuly.

Oblys ákimi Ómirzaq Estaıuly sala basshylaryna jaz mezgilinde aǵyn sý máselesin qadaǵalap, sharýalardyń jaǵdaıyn baqylaýda ustaý qajettigin tapsyrdy. Sondaı-aq, aýyl sharýashyǵy ónimderin eksporttaý kólemin udaıy arttyryp otyrýdy júktedi.















Joǵary qaraı