Aýa raıy
Astana 9 °S
Almaty 15 °S
valıýta baǵamy
USD 385.16
EUR 425.95
RUB 6.01
CNY 54.51

Oqýshylar mektep bitirgende dombyrada 10 kúı oınaı alýy tıis - Mańǵystaý ákimi

2019 jyldyń 23 tamyz 2019 09:26

AQTAÝ. QazAqparat - Mańǵystaýlyq oqýshylar mektep bitirgende dombyrada 10 kúı oınaıtyndaı bolýy tıis. Bul týraly Mańǵystaý oblysynda ótken tamyz konferentsııasynda oblys ákimi Serikbaı Trumov málim etti, dep habarlaıdy oblys ákiminiń baspasóz qyzmeti.

«Memleket basshysy Qasym-Jomart Toqaev dombyrany mektepterde balalarǵa úıretý qajettigin aıtty. Osyǵan qaraı ulttyq ónerdi nasıhattaý maqsatynda oqýshylarǵa arnalǵan dombyra úıirmelerin kóptep ashýdy kózdeıtin «Dombyra-dastan» jobasyn júzege asyrýdy tapsyramyn. Osylaısha, mańǵystaýlyq oqýshylar mektep bitirgen kezde kem degende 10 kúıdi úırenip shyǵýy tıis dep oılaımyn. Árıne, bul shara júzege asyrylsa ata-analar da rıza bolary sózsiz»,-dedi oblys basshysy konferentsııa barysynda.




Jıynda oblys ákimi sondaı-aq oqýlyqtar sapasyn kóterý, bilim oshaqtaryn materıaldyq qundylyqtarmen jabdyqtaý, ustazdardyń biliktiligin arttyrý sııaqty bilim salasyna qatysty ózge de kóptegen máseleler týrasynda sóz qozǵady.










Basty sózder: Mańǵystaý oblysy, Ákim, Bilim, Ákimdik,
Joǵary qaraı