Aýa raıy
Astana 18 °S
Almaty 19 °S
valıýta baǵamy
USD 384.39
EUR 431.71
RUB 6.11
CNY 55.88

Oqýlyq daıyndaýshylardyń ózderi daıarlyqtan ótedi

2019 jyldyń 14 maýsym 2019 17:27 831

NUR-SULTAN. QazAqparat - Qazaqstanda mektep oqýlyqtaryn daıyndaý tártibi ózgerýi múmkin. Osy jaıynda tolyq aqparat alý úshin QazAqparat tilshisi bilim jáne ǵylym mınıstrligine saýal joldaǵan bolatyn.

Mınıstrliktiń jaýabyna súıensek, oqýlyqtarǵa degen talaptyń ózgerýine baılanysty ony daıyndaıtyn sarapshylardyń quramy jańartylmaq. Sarapshylar tizimi baspa ókilderinen qupııa saqtalýy da múmkin.

«Jańa ólshemderdi eskere otyryp, sarapshylar bazasyn jańartý jáne onyń qupııalyǵyn qamtamasyz etý boıynsha jumystar júrgizilip jatyr. Sondaı-aq, oqýlyqtaǵy qatelerge monıtorıng júrgiziledi. Ketken qatelik kitapty shyǵarǵan baspa esebinen jóndelip, qaıta basylady. Osy týraly oqýlyq daıyndaý erejesine ózgerister engiziledi», - delingen resmı málimette.

Mınıstrliktiń málimeti boıynsha, bıyl shilde men qarashada oqý ádebıetiniń 600 sarapshysy, «Oqýlyq» ortalyǵynyń 300 sarapshysy, sondaı-aq pándik komıssııa músheleri men bastaýysh bilim berý oqýlyqtarynyń sarapshylary biliktilikti arttyrý kýrstarynan ótedi. Al 2020-2021 jyldary Dúnıejúzilik bank jobasy aıasynda oqýlyqtar sapasyn baǵalaý salasyndaǵy 1000 sarapshy úshin de osyndaı kýrstar uıymdastyrylmaq.

 

 

Joǵary qaraı