Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Nurjan Áltaev Májilis depýtaty boldy

2019 jyldyń 13 aqpan 2019 10:09 1643

ASTANA. QazAqparat - «Nur Otan» partııasynyń múshesi Nurjan Baýyrjanuly Áltaev Parlament Májilisiniń depýtaty boldy.

Bul týraly búgin Parlament Májilisiniń jalpy otyrysynda málim boldy, dep habarlaıdy QazAqparat.

«Keshe Qazaqstan Respýblıkasy Ortalyq saılaý komıssııasynyń qaýlysymen «Nur Otan» partııasynyń múshesi Nurjan Baýyrjanuly Áltaev QR Parlamenti Májilisiniń depýtaty retinde tirkeldi. Osyǵan baılanysty jańa saılanǵan áriptesimizdi barsha depýttardyń atynan quttyqtaımyn», - dedi Májilis tóraǵasy Nurlan Nyǵmatýlın.

Óz kezeginde jańadan saılanǵan depýtat jalpy otyrys barysynda ant berdi.

«Qazaqstan halqyna adal qyzmet etýge, Qazaqstan Respýblıkasynyń tutastyǵy men Táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, ózime júktelgen mártebeli mindetterdi adal atqarýǵa ant etemin», - dedi N. Áltaev.

Nurjan Baýyrjanuly osyǵan deıin QR Eńbek jáne halyqty áleýmettik qorǵaý vıtse-mınıstri qyzmetin atqardy. 

Aıta keteıik, N.Áltaev buǵan deıin Májilis depýtaty bolǵan Serik Sápıevtiń ornyna keldi. Serik Sápıev QR Mádenıet jáne sport mınıstrliginiń Sport jáne dene shynyqtyrý isteri komıteti tóraǵasy qyzmetine aýysqan bolatyn.

Avtor Rýslan Ǵabbasov
Basty sózder: Taǵaıyndaý, Parlament,
Joǵary qaraı