Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Nursultan Jańabaev WBA Intercontinental belbeýin ıelendi

2019 jyldyń 24 naýryz 2019 23:03

ASTANA. QazAqparat - Almaty Arena sport kesheninde ótip jatqan boks keshinde Qazaqstan boksshysy Nursultan Jańabaev WBA Intercontinental belbeýin jeńip aldy, dep habarlaıdy QazAqparat tilshisi.

Nursultanǵa qarsy shyqqan venesýelalyq 25 jastaǵy Ivan Matýte kásipqoı boksta tájirıbesi mol sportshy sanalady. Ol buǵan deıin 29 kezdesý ótkizip, onyń 28-inde jeńiske jetse, 23-i nokaýtpen aıaqtalǵan. Bir ret qana jeńilistiń ay dámin tatqan.

Almaty tórinde ótip jatqan sharshy alańdaǵy kezdesý barynsha tartysty ótti. Alǵashqy raýndtan-aq boksshylar bir-birinen taısalmaı, ashyq urysqa kirisip ketti. Degenmen, Nursultannyń soqqylary venesýelalyqqa qaraǵanda dittegen jerine dóp tıip jatty. Ekinshi raýnd ta qarqyndy bastaldy. Qazaqstandyq boksshy asqan jyldamdyqpen soqqylar jumsap, Ivandy buryshtan-buryshqa tyqsyra júrip, aýyr soqqylardyń astynda aldy. Tipti, sońǵy sátterde soǵylǵan gong venesýelalyqty esten tanyp qulaýdan ázer aman alyp qalǵandaı kóringen edi. Shynymen de, ekinshi raýndtan keıin venesýelalyq jekpe-jekti odan ary jalǵastyrýdan bas tartty. Osylaısha Nursultan Jańabaev WBA Intercontinental belbeýin jeńip aldy.

Aıta keteıik, osy jyldyń basynda birinshi orta salmaqtaǵy qazaqstandyq boksshy Nursultan Jańabaev (6-0, 4 KO) Búkilálemdik boks keńesi (WBC) reıtınginiń jańartylǵan nusqasyna endi. WBC reıtıngindegi óz dıvızıonynda qazaqstandyq 39-pozıtsııaǵa ornalasty. Boksshymyzdyń uıym reıtıngine kirýine jeltoqsanda fılıppındik boksshy, ataqty otandasy Mennı Pakıaonyń sparrıng-áriptesi Arnel Tınampaıdan (25-23-1, 11 KO) basym túsýi sebep boldy. Onda Jańabaev on raýndtyń qorytyndysy boıynsha qarsylasyn jeńip, WBA Asia chempıony tıtýlyn enshilegen edi. Nursultan Jańabaev 2016 jyldyń qazan aıynda profı-rıngke alǵash ret shyqty. Sodan beri alty ret aıqasyp, onyń tórteýin nokaýtpen aıaqtady.

Avtor Marlan Jıembaı
Basty sózder: Boks, Sport,
Joǵary qaraı