Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Nursultan Nazarbaevpen áli talaı jumysty birge atqaramyz - Qazaqstan stýdentteriniń alıansy

2019 jyldyń 20 naýryz 2019 00:48

ASTANA. QazAqparat - Qazaqstan stýdentteri alıansy Prezıdenttiń búgingi úndeýine qatysty óz málimdemesin jasady, dep xabarlaıdy QazAqparat tilshisi.

Uıym basshysy Іlııas Tústikbaevtiń aıtýynsha, búgin alıans músheleri jınalyp, Memleket basshysynyń úndeýin birge tyńdady. Ásirese, jastarǵa arnap aıtqan sózi eshkimdi beı-jaı qaldyrmady.

«Shyny kerek, Prezıdenttiń aıtqanyn úlken bir kúızelispen qarsy aldyq. Sonda da Nursultan Ábishulynyń sheshimin qurmetteımiz. Elbasy sonaý jas kezinen bastap el basqarý isine aralasty. Sóıtip, óziniń barlyq jastyq shaǵyn Táýelsizdigimizdi alýǵa, Qazaqstandy damytýǵa, elimizdi ósip-órkendetýge arnady. Sol sebepti búgingi úndeýinde jastarǵa basa nazar aýdaryp, bizge erekshe aktsent jasady. Qazir jastar úshin barlyq jaǵdaı jasalǵan. Prezıdent ózi de aıtyp ketti. Biz osynaý dara joldy jalǵastyrýymyz qajet. Qazaqstandy ary qaraı damytýymyz kerek. Sebebi elimizdiń bolashaǵy Táýelsizdik jyldary dúnıege kelgen jastardyń qolynda», - dedi І.Tústikbaev QazAqparat tilshisine bergen suxbatynda.

Alıans jetekshisi Prezıdenttiń jastarǵa únemi qoldaý jasap kelgenin de erekshe ata ótti. Mysaly, sońǵy kezde 20 myń qosymsha grant bólindi. Júzdegen jataqxanalardy salýǵa tapsyrma berildi. Stýdentterdiń shákirtaqysy ósti. Budan bólek, jastardyń áleýmettik máseleleri, turǵyn úı problemasy sheshilip keledi. Bunyń barlyǵy - Elbasynyń zor eńbegi. "Ol kisi bizge, jastarǵa, stýdentterge árdaıym Elbasy, Tuńǵysh Prezıdent, Ult kóshbasshysy bolyp qala beredi. Endi, biz aldaǵy ýaqytta áli talaı jumysty birge atqaramyz degen oıdamyz. Sebebi Nursultan Nazarbaev «Nur Otan» partııasynyń Tóraǵasy, Qaýipsizdik keńesiniń tóraǵasy bolyp qalady. Sol sebepti biz Elbasymen aldaǵy ýaqytta áli birge jumys isteımiz jáne óz tarapymyzdan qoldap otyramyz", - dep atap kórsetti І.Tústikbaev.

Aıta keteıik, búgin QR Prezıdenti Nursultan Nazarbaev Qazaqstan xalqyna úndeý joldap, óz ókilettiligin toqtatýǵa sheshim qabyldaǵanyn málimdedi. Memleket basshysy QR Parlamenti Senatynyń tóraǵasy Qasym-Jomart Toqaevtyń Qazaqstandy ýaqytsha basqaratynyn jetkizdi. N.Nazarbaev Qaýipsizdik keńesiniń tóraǵasy qyzmetin atqara beredi.

Joǵary qaraı