Aýa raıy
Astana 3 °S
Almaty 18 °S
valıýta baǵamy
USD 389.81
EUR 430.27
RUB 6.06
CNY 54.91

Nurlan Nyǵmatýlın sheteldik elshilerdi qabyldady

2019 jyldyń 18 maýsym 2019 13:44

NUR-SULTAN. QazAqparat - QR Parlamenti Májilisiniń tóraǵasy Nurlan Nyǵmatýlın birqatar sheteldik Tótenshe jáne ókiletti elshilerdi qabyldady, dep habarlaıdy Májilistiń baspasóz qyzmeti.

Baspasóz málimetterine qaraǵanda, Túrikmenstan elshisi Toıly Komekovpen kezdesý barysynda parlamentshiler arasyndaǵy ekijaqty yntymaqtastyq, saýda-ekonomıkalyq, otyn-energetıkalyq, kólik jáne mádenı-gýmanıtarlyq salalardaǵy máseleler talqylandy.

Taraptar qarym-qatynastardy damytýdyń negizin Qazaqstan Respýblıkasynyń Tuńǵysh Prezıdenti Nursultan Nazarbaev pen Túrikmenstan Prezıdenti Gýrbangýly Berdimuhamedov qalaǵanyn atap ótti.

N.Nyǵmatýlın men T.Komekov búkil Ortalyq Azııa óńiriniń «Túrikmenstan - Ózbekstan - Qazaqstan - Qytaı» gaz qubyry, «Qazaqstan - Túrikmenstan - Iran» temir joly sııaqty iri jobalardy iske asyrýdyń mańyzyn, Kaspıı teńiziniń quqyqtyq mártebesi týraly tarıhı konventsııaǵa qol qoıylǵanyna nazar aýdardy.

Sondaı-aq, Májilis Tóraǵasy Parlamenttiń tıisti komıtetteri men yntymaqtastyq toptary arasyndaǵy zań shyǵarýshylyq jumysta tájirıbe almasý úshin qarym-qatynastardy keńeıtýge qatysty pikirin bildirdi.

Nurlan Nyǵmatýlınniń aıtýynsha, aǵymdaǵy jylǵy 23-24 qyrkúıekte Elordamyz Nur-Sultan qalasynda «Úlken Eýrazııa: Dıalog. Senim. Seriktestik» taqyrybynda ótetin Eýrazııa elderi parlamentteri tóraǵalarynyń IV Keńesine Túrikmenstan Medjlısi delegatsııasynyń qatysýy parlamentaralyq dıalogty damytýǵa yqpal etpek.

Májilis Tóraǵasy Armenııa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Gagık Galachıanmen kezdesýde halyqtardyń múddesi úshin parlamentaralyq yntymaqtastyqty nyǵaıtý týraly áńgimeledi.



null

Parlament tóraǵasy bastaǵan Armenııa Ulttyq Assambleıasynyń delegatsııasy Nur-Sultan qalasynda ótetin forýmǵa qatysatyndyqtaryn rastady.

Áńgime barysynda Nurlan Nyǵmatýlın men Gagık Galachıan eýrazııalyq keńistiktegi ıntegratsııalyq birlestikter sheńberinde Qazaqstan men Armenııanyń tyǵyz yntymaqtastyǵyn atap ótip, bul parlamentshilerdiń yntymaqtastyǵy úshin úlken múmkindikter ashatynyn aıtty.

Májilis tóraǵasy Úndistannyń Qazaqstandaǵy elshisi Prabhat Kýmarmen parlamentaralyq baılanystardy damytýǵa qatysty pikir almasyp, ınnovatsııa, joǵary tehnologııalar jáne jańartylatyn energııa kózderin paıdalaný salasyndaǵy úndilik tájirıbeni zertteýge qyzyǵýshylyq tanytty.



null

Kezdesý barysynda, Bishkekte ótken ShYU sammıti aıasynda qol qoıylǵan qujattardyń mańyzdylyǵy atalyp ótti.

Joǵary qaraı