Aýa raıy
Astana 5 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Nurlan Nurkenov Astana ákiminiń orynbasary bolyp taǵaıyndaldy

2019 jyldyń 15 aqpan 2019 08:57

ASTANA. QazAqparat - Elorda ákiminiń ókimimen qala ákiminiń orynbasary qyzmetine Nurlan Nurkenov taǵaıyndaldy, dep habarlaıdy Astana ákimdiginiń resmı saıty.

Ákimniń orynbasary ishki saıasat, jastar saıasaty men aqparat, mádenıet, densaýlyq saqtaý, bilim berý, áleýmettik qorǵaý, dene shynyqtyrý jáne sport salasyna qatysty máselelerge jaýapty bolady.

Nurkenov Nurlan Jańbyrshyuly - Tselınograd qalasynda 1976 jyldyń 3 qarashasynda dúnıege kelgen.

S. Seıfýllın atyndaǵy Aqmola agrarlyq ýnıversıtetin, QR Prezıdenti janyndaǵy Memlekettik basqarý akademııasy Memlekettik saıasattyń ulttyq mektebin, Qaztutynýodaǵynyń Qaraǵandy ekonomıkalyq ýnıversıtetin támamdaǵan.

Eńbek jolyn 1995 jyly «Shamshyraq» HJQ-da menedjer retinde bastaǵan bolatyn. 2003 jyldan 2006 jylǵa deıin Astana ákimi apparatynyń uıymdastyrýshylyq-ınspektorlyq jumys bólimniń bas mamany, óndiristik sala bóliminiń meńgerýshisi bolyp jumys istedi.

2006-2010 jyldar aralyǵynda QR Prezıdenti Іs basqarmasynyń kúrdeli qurylys jáne tehnıkalyq qadaǵalaý, resmı is-sharalar men syrtqy baılanystar jónindegi bólimderiniń meńgerýshisi jáne orynbasary qyzmetin atqardy.

2010 jyly Astanadaǵy «Móldir sý» JShS basshysy qyzmetine taǵaıyndaldy.

2013 jyldan 2014 jylǵa deıin Býrabaı aýdanynyń ákimi boldy.

2014 jyldan Aqmola oblysy ákiminiń óndiristik sala jónindegi orynbasary qyzmetin atqardy.

2017 jyly QR Prezıdenti Ákimshiliginiń memlekettik ınspektory bolyp taǵaıyndaldy.

«Astananyń 10 jyldyǵy», «Eren eńbegi úshin» tósbelgilerimen marapattalǵan.

Úılengen, tórt balany tárbıeleýde.

Basty sózder: Nur-Sultan, Taǵaıyndaý, Ákim,
Joǵary qaraı