Aýa raıy
Astana 18 °S
Almaty 32 °S
valıýta baǵamy
USD 384.52
EUR 431.32
RUB 6.10
CNY 55.89

Nur-Sultanda «Eýrazııa» kınofestıvali ótedi

2019 jyldyń 17 maýsym 2019 10:36 1536

NUR-SULTAN. QazAqparat - 2019 jyldyń 30 maýsymy men 6 shildesi aralyǵynda Nur-Sultan qalasynda XV Halyqaralyq «Eýrazııa» kınofestıvali ótedi, dep habarlaıdy qazAqparat tilshisi.

«Eýrazııa» kınofestıvaliniń baspasóz qyzmeti taratqan aqparatqa sáıkes, kınoforýmnyń konkýrstyq baǵdarlamasy dástúrli túrde onyń negizgi tujyrymdamasyn aıqyn kórsetedi. Ol - Shyǵys pen Batys arasynda kınematografııalyq kópir ornatý.

«Eýrazııa-2019» kınofestıvaliniń negizgi baıqaýyna Qytaı, Frantsııa, Reseı, Makedonııa, Italııa, Fılıppın, Izraıl, Ýkraına, Avstralııa kartınalary endi. Qysqa metrajdy fılmder baıqaýyna Tájikstan, Ońtústik Koreıa, Belarýs, Iran, Ózbekstan, Japonııa jáne taǵy basqa elder qatysady. Sonymen birge, eki baıqaýǵa da otandyq týyndylar usynylǵan.

Festıvaldiń konkýrstan tys baǵdarlamalary da bar. Olar: «Obektıv», «Erekshe oqıǵa», «NETPAC tańdaýy». Al  «Eýrazııa júreginen»  baǵdarlamasynda otandyq ártúrli janrda túsirilgen on kartına usynylatyn bolady.

«Eýrazııa» HKF - bul Kınoprodıýserler qaýymdastyǵynyń halyqaralyq federatsııasy (FIAPF) akkredıttegen Ortalyq Azııadaǵy eń iri kınoforým. Kınofestıvaldiń uıymdastyrýshysy - «Ulttyq kınony qoldaý memlekettik ortalyǵy» KEAQ.

 

 

 

Avtor Marlan Jıembaı
Basty sózder: Óner, Mádenıet, Nur-Sultan,
Joǵary qaraı