Aýa raıy
Astana 19 °S
Almaty 29 °S
valıýta baǵamy
USD 384.06
EUR 429.19
RUB 6.08
CNY 55.83

Nur-Sultanda BUU Jahandyq bastamasy Úılestirý keńesiniń І otyrysy ótti

2019 jyldyń 19 maýsym 2019 17:09 718

NUR-SULTAN. QazAqparat - Elordada BUU Jahandyq bastamasy Úılestirý keńesiniń «ekstremıstik jáne terrorıstik baǵyttaǵy qylmystary úshin sottalǵandarmen jumys isteý boıynsha kúsh-jigerdi qoldaý jáne penıtentsıarlyq mekemelerde radıkalızatsııanyń aldyn alý» birinshi otyrysy ótti. Keńestiń músheleri - múddeli memlekettik organdary men azamattyq qoǵam ókilderi, dep habarlaıdy QahAqparat.

QR Syrtqy ister mınıstrliginen málim etkendeı, erekshe tapsyrmalar jónindegi Elshi Stanıslav Vasılenko keńeske qatysýshylardyń nazaryn Qazaqstannyń terrorızmge qarsy kúreske erekshe mán beretindigine jáne halyqaralyq terrorızmge qarsy kúres BUU Qaýipsizdik Keńesindegi músheliginiń jeti basymdyǵynyń biri ekendigine aýdardy.

«Qazaqstannyń Tuńǵysh Prezıdenti - Elbasy Nursultan Nazarbaevtyń memleketterdiń jahandyq terrorǵa qarsy koalıtsııasyn (jelisin) qurý jónindegi bastamasyn iske asyrý sheńberinde ótken jyly BUU Bas Assambleıasynyń alańynda terrorızmnen azat álemge qol jetkizý jónindegi tártip kodeksine qol qoıyldy. Búgingi tańda 80-nen astam el qujatqa qosyldy. Qujat ınnovatsııalyq sıpatqa ıe. Óıtkeni birinshi ret qaýipsizdik pen terrorızmge qarsy kúrestiń ózara táýeldiligin moıyndaıdy. Kodeks barlyq memleketterdi terrorızmge qarsy kúres jónindegi BUU-nyń qoldanystaǵy 19 negizgi qujatyna qosylýǵa shaqyrady. Óz kezeginde bizdiń Respýblıka BUU-nyń joǵaryda kórsetilgen barlyq quqyqtyq quraldaryn bekitti», - delingen mınıstrlik málimetinde.


null 

Ekstremızmniń taralý qaýpiniń artyp kele jatqanyn moıyndaı otyryp, 2018 jyldyń jeltoqsanynda Qazaqstan alǵashqylardyń biri bolyp jahandyq bastamaǵa qosyldy. Jobany BUU Esirtki jáne qylmys jónindegi basqarmasy (BUU EQB), BUU Terrorızmge qarsy ortalyǵy jáne BUU Terrorızmge qarsy komıtetiniń Atqarýshy dırektoraty júzege asyrady.

2018-2021 jahandyq baǵdarlamanyń resmı iske qosylýy 2018 jyldyń jeltoqsanynda Nur-Sultanda ótti.

Baǵdarlamanyń jalpy bıýdjeti 9,1 mıllıon AQSh dollaryn quraıdy jáne Eýropalyq Odaq (4,7 mln.), BUU-nyń terrorǵa qarsy basqarmasy (3,0 mln.) jáne Nıderlandy Koroldiginiń Úkimeti (1,4 mln.) qarjylandyrady.

 

 

 

Joǵary qaraı