Aýa raıy
Astana 7 °S
Almaty 15 °S
valıýta baǵamy
USD 389.59
EUR 429.06
RUB 6.05
CNY 55.07

Nur-Sultan men Óskemende ǵana bar: Vıtse-premer robottalǵan hırýrgııa kabıneti jaıynda

2019 jyldyń 21 qyrkúıek 2019 22:05

ÓSKEMEN. QazAqparat – Shyǵys Qazaqstan oblysyna jumys saparymen kelgen QR Premer-Mınıstriniń orynbasary Berdibek Saparbaev Óskemendegi «Robottalǵan hırýrgııa» ortalyǵynyń jumysymen tanysty, dep habarlaıdy QazAqparat tilshisi.

Ortalyqtaǵy atalmysh kabınetti tolyq jabdyqtaýǵa 1 mıllıard 900 myń teńge qarajat jumsalǵan. Mamandardyń túsindirýinshe, hırýrg robot qashyqtyqtan basqarylady. Al kómekshileri men medbıkeler manıpýlıatorlardy tıisti jerlerge ornatady. Sondaı-aq qajetti ınstrýmentterdi almastyryp turady. Bul jerde barlyq jumys asqan dáldikpen, kásibı muqııattylyqpen jasalatyny aıtpasa da túsinikti.




Úkimet basshysynyń orynbasary ortalyqtyń jumysy men kabınettiń jabdyqtalýyna joǵary baǵa berdi. Sondaı-aq Berdibek Saparbaev «muzdaı qarýlanǵan» mundaı ámbebap kabınet Óskemennen bólek Nur-Sultan qalasynda ǵana bar ekenin atap ótti.








Esentaı Aıtuly
Joǵary qaraı