Awa rayı
Nur-Sultan 11 °S
Almatı 16 °S
valyuta bağamı
USD 378.87
EUR 422.40
RUB 5.87
CNY 54.85

«Nur Otan» partïyasınıñ kezekten tıs XІX sezі ötedі

2019 jıldıñ 23 säwіr 2019 07:00 962

NUR-SULTAN. QazAqparat - Bügіn elordada QR Tuñğış Prezïdentі - Elbası Nursultan Nazarbaevtıñ törağalığımen "Nur Otan"  partïyasınıñ kezekten tıs XІX sezі ötedі, dep xabarlaydı QazAqparat tіlşіsі.

Sezd  barısında 2019 jıldıñ 9 mawsımına tağayındalğan kezekten tıs prezïdenttіk saylawğa partïya atınan tüsetіn kandïdattıñ esіmі jarïya etіletіn boladı. Qazіrgі waqıtta partïya sezіne öñіrlerden keletіn delegattardıñ sanı belgіlі boldı. Mäselen, Almatı oblısınan 45, Qızılorda oblısınan 30 delegat kelmek. Jalpı, sezd jumısına 1500 adamnıñ qatısatındığı josparlanğan.

Ayta keterlіgі, bügіn «Nur Otan» partïyası Törağasınıñ bіrіnşі orınbasarı Mäwlen Äşіmbaev partïya Sayasï keñesіnіñ otırısın ötkіzdі.  Oğan Sayasï keñes müşelerі, sonıñ іşіnde Qazaqstan Respwblïkası Parlamentіnіñ depwtattarı, atqarwşı memlekettіk organdardıñ jäne ükіmettіk emes uyımdardıñ basşıları, käsіpkerler, därіgerler, bіlіm, mädenïet, sport salasınıñ ökіlderі, Qazaqstan xalqı Assambleyasınıñ müşelerі jäne tağı basqalar qatıstı. Sonday-aq otırısqa partïyanıñ kezekten tıs XIX sezіnіñ delegattarı da şaqırıldı. Іs-şara barısında atalğan sezdіñ qarawına şığarılatın Qazaqstan Respwblïkasınıñ Prezïdenttіgіne «Nur Otan» partïyasınan kandïdat usınw twralı mäsele talqılanıp, sezdіñ jumıs organdarınıñ quramı pısıqtaldı.

Esterіñіzde bolsa, 9 säwіrde respwblïkalıq telearnalardan Qazaqstan xalqına ündew jarïyalağan Memleket basşısı Qasım-Jomart Toqaev elіmіzdіñ Konstïtwcïyasına säykes QR Prezïdentіnіñ kezekten tıs saylawın  2019 jıldıñ 9 mawsımda ötkіzw twralı şeşіm qabıldağanın jarïya etken bolatın.

 

 

 

Avtor: Marlan Jïembay
Bastı sözder: Nur Otan sezі, Saylaw 2019,
Joğarı qaray