Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

«Nur Otan» partııasynyń kezekten tys HІH sezi ótedi

2019 jyldyń 23 sáýir 2019 07:00

NUR-SULTAN. QazAqparat - Búgin elordada QR Tuńǵysh Prezıdenti - Elbasy Nursultan Nazarbaevtyń tóraǵalyǵymen "Nur Otan" partııasynyń kezekten tys HІH sezi ótedi, dep habarlaıdy QazAqparat tilshisi.

Sezd barysynda 2019 jyldyń 9 maýsymyna taǵaıyndalǵan kezekten tys prezıdenttik saılaýǵa partııa atynan túsetin kandıdattyń esimi jarııa etiletin bolady. Qazirgi ýaqytta partııa sezine óńirlerden keletin delegattardyń sany belgili boldy. Máselen, Almaty oblysynan 45, Qyzylorda oblysynan 30 delegat kelmek. Jalpy, sezd jumysyna 1500 adamnyń qatysatyndyǵy josparlanǵan.

Aıta keterligi, búgin «Nur Otan» partııasy Tóraǵasynyń birinshi orynbasary Máýlen Áshimbaev partııa Saıası keńesiniń otyrysyn ótkizdi. Oǵan Saıası keńes músheleri, sonyń ishinde Qazaqstan Respýblıkasy Parlamentiniń depýtattary, atqarýshy memlekettik organdardyń jáne úkimettik emes uıymdardyń basshylary, kásipkerler, dárigerler, bilim, mádenıet, sport salasynyń ókilderi, Qazaqstan halqy Assambleıasynyń músheleri jáne taǵy basqalar qatysty. Sondaı-aq otyrysqa partııanyń kezekten tys XIX seziniń delegattary da shaqyryldy. Іs-shara barysynda atalǵan sezdiń qaraýyna shyǵarylatyn Qazaqstan Respýblıkasynyń Prezıdenttigine «Nur Otan» partııasynan kandıdat usyný týraly másele talqylanyp, sezdiń jumys organdarynyń quramy pysyqtaldy.

Esterińizde bolsa, 9 sáýirde respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev elimizdiń Konstıtýtsııasyna sáıkes QR Prezıdentiniń kezekten tys saılaýyn 2019 jyldyń 9 maýsymda ótkizý týraly sheshim qabyldaǵanyn jarııa etken bolatyn.

Avtor Marlan Jıembaı
Basty sózder: Saılaý 2019, Nur Otan sezi,
Joǵary qaraı