Awa rayı
Astana -7 °S
Almatı 4 °S
valyuta bağamı
USD 376.73
EUR 427.36
RUB 5.75
CNY 56.07

Nokawtşı Axmedovtіñ promowterі aldağı maqsattar twralı ayttı

2019 jıldıñ 23 qañtar 2019 19:42 681

ASTANA. QazAqparat - Kanadanıñ Eye of the Tiger Management kompanïyasınıñ vïce-prezïdentі Kamïll Estefan 20 jastağı qazaqstandıq boksşı Sadrïddïn Axmedovtіñ (6-0, 6 KO) aldağı jekpe-jegі jayında aytıp berdі, dep xabarlaydı QazAqparat Sports.kz-ke sіlteme jasap.

Jerlesіmіz kelesі ayqasın 26 qañtar künі Kvebekte (Kanada) ötkіzedі. Onıñ qarsılası - «Pïtbwl» laqap atımen tanımal 22 jastağı meksïkalıq Abraxam Xwares (13-1, 4 KO). 10 rawndqa şaqtalğan jekpe-jekke jastar arasında bіrіnşі orta salmaqtağı WBC tujırımı boyınşa älem çempïonı atağı tіgіlgen.

«Sadrïddïnmen alğaş ret kezdeskendegі aytqanı esіmde. Ol mağan: «Floyd Meyvezer, Mennï Pakyao sïyaqtı boksşılardı jeñіp, tarïxta qalğım keledі. Men olardıñ nätïjesіn basıp ozamın», - degen edі. Bіz oğan, ol bіzge senedі. Jіgіtterdіñ damwı üşіn sapalı qarsılastardı tañdawımız qajet.  WBC tïtwlına talasw üşіn mıqtı qarsılastı tañdawımızğa twra keldі. Bul Sadrïddïn üşіn qïın sınaq. Ol Mark Remsï jäne onıñ bapkerlerіmen jaqsı dayındıq ötkіzdі. Axmedov osı ayqasqa dene dayarlığı boyınşa jaña bapkermen jumıs іstedі. Ol jekpe-jekke barınşa dayın boladı», - dedі Estefan GR8 Fight North podkasına bergen suxbatında.

 

 

Bastı sözder: Sport, Boks,
Joğarı qaray