Aýa raıy
Astana 11 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Nemis ınvestorlaryna qolaıly jaǵdaı jasaý máseleleri qarastyryldy - QR SІM

2019 jyldyń 9 tamyz 2019 21:52

NUR-SULTAN. QazAqparat – Búgin Qazaqstan Respýblıkasynyń Syrtqy ister mınıstri Beıbit Atamqulov Germanııa Federatıvtik Respýblıkasynyń Qazaqstandaǵy Elshisi Tılo Klınnerdi qabyldady, dep habarlaıdy QazAqparat syrtqy saıasat vedomostvosynyń baspasóz qyzmetine silteme jasap.

Júzdesý barysynda eki jaqty saparlar men is-sharalardy eń joǵary jáne joǵary deńgeıde uıymdastyrý josparlary, onyń ishinde syrtqy saıası vedomstvo basshysynyń osy aıǵa kózdelip otyrǵan Berlınge sapary qarastyryldy.

Taraptar ınvestıtsııalyq yntymaqtastyqty nyǵaıtý máselelerin, bul úderistegi Saýda-ekonomıkalyq yntymaqtastyq jónindegi úkimetaralyq jumys tobynyń, Strategııalyq yntymaqtastyq jónindegi Qazaqstan-Germanııa iskerlik keńesiniń jáne Berlın Eýrazııalyq Klýbynyń mańyzdy rólin jáne nemis ınvestorlarynyń, sonyń ishinde shaǵyn jáne orta bıznes ókilderiniń Qazaqstanda jumys isteýi úshin qolaıly jaǵdaı jasaý máselelerin talqylady.

Áńgime barysynda gýmanıtarlyq saladaǵy yntymaqtastyq, orta bilim berý júıesinde jáne nemis tilin oqytý ortalyqtary jelisi arqyly nemis tilin keńeıtý, sondaı-aq dýaldy bilim berý salasyndaǵy yntymaqtastyqty odan ári damytý máselelerine erekshe nazar aýdaryldy. Qazaqstandaǵy shamamen 200 000 adamnan turatyn nemis dıasporasy jáne GFR-daǵy 900 000 «qazaqstandyq» nemister quraıtyn eki el arasyndaǵy «jandy kópir» bar bolǵannyń zor mańyzdylyǵy atap ótildi.

Germanııa Qazaqstannyń eń iri saýda seriktesteri men ınvestorlarynyń biri bolyp tabylady. 2018 jyldyń sońynda Qazaqstan Respýblıkasy men Germanııa arasyndaǵy taýar aınalymy 2,1 mıllıard AQSh dollarryn qurap, bul kórsetkish 2017 jylmen salystyrǵanda 10,8%-ǵa joǵary boldy. Sońǵy 13 jyl ishinde Germanııadan Qazaqstanǵa tartylǵan tikeleı ınvestıtsııalar kólemi 8,6 mlrd AQSh dollaryn qurady. Germanııadaǵy ınvestıtsııalardyń 90%-y «shıkizattyq emes sektorǵa», sonyń ishinde shaǵyn jáne orta bıznes kásiporyndaryn qoldaý men damytýǵa baǵyttalady.

Qazaqstanda nemis kapıtalynyń qatysýymen 900-den astam kásiporyn bar. Olardyń arasynda «METRO», «KNAUF», «Heidelberg Cement», «BASF», «Linde AG», «CLAAS» sııaqty iri kompanııalardyń ókilderi jáne basqalary bar. Ótken jyly ǵana «WILO» óndiristik kesheni ashyldy, onyń quramynda konsoldyq, bloktyq jáne uńǵyly sorǵylyq júıeler salasyndaǵy jobalaýshylar men ınjenerlerdi óndirý, synaý jáne oqytý boıynsha joǵary tehnologııalyq ortalyq, sondaı-aq «OBI» kompanııasynyń qurylys materıaldary men jabdyqtary ortalyǵy bar.

Basty sózder: QR SІM, Investıtsııalar, Eýropa,
Joǵary qaraı