Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Naýryz-2019: Almatyda «Dombyra party» ótedi

2019 jyldyń 18 naýryz 2019 13:40

ALMATY. QazAqparat - Bıyl Almatyda Naýryz qarsańynda «Dombyra party» is-sharasy ótedi, dep habarlaıdy QazAqparat tilshisi.

Qalalyq ákimdiktiń qoǵammen baılanys qyzmetiniń habarlaýynsha, bıyl qala bıligi Naýryzdy tarıhı-tanymdyq baǵytta ótkizýdi josparlap otyr.

«Bıylǵy jyl Qazaqstanda jastar jyly bolyp jarııalandy. Kópshilik oıyn-saýyqty uıymdastyrýshylar merekelik is sharalar eń aldymen jastarǵa tarıhı-tanymdyq turǵydan paıdaly bolsa degen maqsatty kózdep otyr», - dedi ákimdiktiń qoǵammen baılanys qyzmeti.

Almaty Arena jáne Halyk Arena muz keshenderi meıramdy 22 naýryzda qarsy almaqshy, 23 naýryzda saýyqtar Sunkar halyqaralyq shańǵy tramplınderi kesheninde ótedi.

Shyǵarmashylyq tulǵalar óz ónerin ortaǵa salýy úshin Almaty Arena muz saraıynda naǵyz alań qurylady. Babalarymyzdan qalǵan altybaqan - Naýryz meıramyn toılaý kezinde kóshpeli jastar saýyq quratyn oryn bolǵandyqtan, osy altybaqandardyń tutas bir parki ornatylmaqshy.

Sondaı-aq, «Dombyra party» mýzykalyq saıysy ótedi. Ulttyq sport oıyndary jarystaryn ótkizý úshin arnaıy aýmaqtar uıymdastyrylady.

Qalanyń 10 meıramhanasy qatysatyn dástúrli Big City Picnic kóshe taǵamdary festıvali de - merekelik sharalardyń bir bóligi.

Almaty Art Center ortalyǵynda birden eki merekelik - kórkem jáne qolóner kórmeleri jumys isteıdi.

Halyk Arena muz kesheniniń negizgi merekelik sahnasy Qulja kúre joly kóshesiniń kire berisine ornalastyrylady. Bul jerge kıiz úıler, taǵam satylatyn shaǵyn vagondar jáne birneshe altybaqan qurylady. Sport kesheniniń muz aıdynynda mánerlep syrǵanaýshylar óner kórsetedi dep kútilýde.

Almaty qalasynyń eki muz kesheninde barlyq meıram kúnderinde konkımen jappaı syrǵanaý seanstary saǵat 11.00-den saǵat 23.00-ge deıin ótkiziledi.

Sunkar halyqaralyq shańǵy tramplıni kesheninde meıram kezinde otbasylyq demalys úshin yńǵaıly orta jasalmaq. Qala turǵyndaryna zıp-laın jáne roýpdjampıng attraktsıondary, motokross-shoýy, balalar batýty, kvadratsıklder men baggılerde syrǵanaý usynylyp, shańǵyshylar óner kórsetedi. Munda mýzyka oınap, ulttyq dastarhan jaıylady, jármeńke, sporttyq jarystar ótedi.

Joǵary qaraı