Aýa raıy
Astana 10 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Nátıjeli jumyspen qamtý baǵdarlamasyna 107 mlrd teńge jumsaldy

2019 jyldyń 21 mamyr 2019 12:18

NUR-SULTAN. QazAqparat - QR Parlamenti Senatynda Premer-Mınıstrdiń birinshi orynbasary - Qarjy mınıstri Álıhan Smaıylov Halyqty nátıjeli jumyspen qamtý baǵdarlamasynyń oryndalýy kórsetkishi týraly aıtyp berdi, dep habarlaıdy QazAqparat tilshisi.

«Baǵdarlamalyq qujattardyń oryndalýynda jetistikter az emes. Máselen, ótken jyly «Nurly jol» baǵdarlamasynyń qorytyndysy boıynsha 86 myń 177 jumys orny quryldy, elektr energııasyn berýdiń 339 shaqyrym jelisi salyndy. Іri sala quraýshy jobalardy iske asyrý arqyly ındýstrııalyq ósýdiń jańa núktelerin qurý baǵyty aıasynda 2018 jyly óńdeý ónerkásibinde jumyspen qamtylǵandar sany 545,3 myń adamdy qurady. Eksporttyq 4 qazaqstandyq brend quryldy», - dedi Álıhan Smaıylov Úkimettiń 2018 jylǵy respýblıkalyq bıýdjettiń atqarylýy týraly esebin tanystyrý barysynda.

Onyń sózine qaraǵanda, Halyqty nátıjeli jumyspen qamtý baǵdarlamasyna 107 mlrd teńge qarajat jumsaldy.

«628 myń adam baǵdarlamaǵa qatysty. Onyń ishinde jumyssyzdar - 508,7 myń adam (81%), óz betinshe jumyspen qamtylǵandar - 119,3 myń (19%). 496,4 myń adam jumysqa ornalastyryldy. Onyń ishinde turaqty jumys oryndaryna 76 paıyzy nemese 379,1 myń adam. Atap ótý kerek, 2017 jylmen salystyrǵanda jumysqa ornalasqandardyń ishinen mindetti zeınetaqy jarnalaryn tóleýshilerdiń úlesi 7 paıyzǵa artty (2018 jyly 90%-ti nemese 441 myń adamdy qurady, 2017 jyly - 376 myń adam nemese 83%)», - dedi Úkimet basshysynyń birinshi orynbasary.

Joǵary qaraı