Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Mısır Beybarıs sultan meşіtіn qalpına keltіrwge aqşa böledі

2018 jıldıñ 12 qazan 2018 16:26 117

ASTANA. QazAqparat - Kaïrdegі Beybarıs sultan meşіtіn qalpına keltіrw jumıstarı qayta bastaladı. Bul twralı bügіn QR Sırtqı іster mïnïstrlіgіnde ötken brïfïngte Qazaqstanıñ Mısırdağı Tötenşe jäne Ökіlettі Elşіsі Arman Ïsağalïev ayttı, dep xabarlaydı QazAqparat tіlşіsі.

«Qazaq pen Mısır xalıqtarı arasındağı baylanıstardıñ tereñ tarïxï tamırı bar. Qazaq jerіnen şıqqan Beybarıs sultan babamızdıñ tulğası ekі eldіñ arasındağı dostıq, mädenï jäne tarïxï  baylanıstıñ sïmvolına aynaldı. Kaïr qalasında Beybarıs sultannıñ ülken meşіtі bar.  Ol Mısırdağı kölemі boyınşa ekіnşі meşіt sanaladı. 2007 jılı ekі eldіñ arasında atalğan meşіttі qalpına keltіrw twralı ükіmetaralıq kelіsіmge qol qoyılğan bolatın», - dedі Elşіsі.

Onıñ aytwınşa, joba qunı 12 mïllïon dollarğa bağalanğan.  Onıñ 4,5 mïllïon dolların Qazaqstan tarapı, al qalğanın Mısırdıñ ötewі twralı wağdalastıqqa qol jetkіzіlgen.  Osı künge deyіn Qazaqstan tarapı öz wädesіn orındap, 4,5  mln dollar bölgen. Atalğan qarjı meşіttі qalpına keltіrwdіñ bіrіnşі kezeñіne jumsalğan. Alayda, Mısır tarapı osı waqıtqa deyіn öz wağdalastığın orınday almay keldі. Oğan eldegі sayasï tolqwlar, ekі töñkerіs, ekonomïkadağı ülken dağdarıs sebep boldı.

«Qazіrgі kezde twrïsterdіñ artwına jäne odan byudjetke tüsetіn qarajat kölemіnіñ ulğayuına baylanıstı bul mäsele qayta köterіldі. Mısır Premer-Mïnïstrіnіñ jeke aralaswımen bas merdіger men Köne eskertkіşter mïnïstrlіgі arasındağı kelіspewşіlіk şeşіldі. Sondıqtan jaqın arada, osı künderі meşіttі qalpına keltіrw jobası qaytadan bastaladı. Mïnïstrdіñ mağan bergen wädesіne säykes, meşіttі qalpına keltіrw jümıstarınıñ bastalwınan ayaqtalwına deyіn 12 ay ketedі. Yağnï, sol 12 aydıñ іşіnde jumıstar tolıq ayaqtaladı dep senemіn», - dedі Arman Ïsağalïev. 

 

Joğarı qaray