Aýa raıy
Astana 7 °S
Almaty 8 °S
valıýta baǵamy
USD 389.98
EUR 434.01
RUB 6.10
CNY 55.04

Múgedekterdiń turmysyn jaqsartýdyń ulttyq jospary qabyldanady

2019 jyldyń 21 mamyr 2019 15:21

NUR-SULTAN. QazAqparat - Búgin QR Parlamenti Senatynda QR Eńbek jáne halyqty áleýmettik qorǵaý mınıstri Berdibek Saparbaev elimizde múmkindigi shekteýli jandarǵa qoldaý kórsetý jospary týraly aıtyp berdi, dep habarlaıdy QazAqparat tilshisi.

Aıta keteıik, búgin Senatta Úkimettiń 2018 jylǵy respýblıkalyq bıýdjettiń atqarylýy týraly esebi tanystyrylǵan bolatyn.

Shara barysynda senator Álı Bektaev Úkimet tarapynan múgedekterge qatysty barlyq problemalardy sheshýge arnalǵan qadamdardy qabyldaý máselesine qatysty saýal qoıdy.

«Óńirlerdi aralaǵan kezde múmkindigi shekteýli jandardyń máselelerine qatysty birqatar usynystar kelip tústi. Máselen, múgedektikti taǵaıyndaýǵa baılanysty barlyq rásimder ashyq bolýy úshin, shaǵymdardy azaıtý úshin qandaı sharalar atqarylýy kerek degen máseleler kóterildi. Qazirgi tańda osy sharalardy elektrondy júıege aýystyrý máselesi qolǵa alyndy. Sonymen qatar, olarǵa qural-jabdyqtardy ýaqytyly berý baǵytynda da másele bar. Sondyqtan búginde Qarjy mınıstrligimen tıisti qadamdardy pysyqtap jatyrmyz. ıAǵnı áleýmettik portal jasaımyz, osy oraıda múgedekterge qajetti jabdyqtar qamtylady», - dep túsindirdi B. Saparbaev.

Onyń sózine qaraǵanda, atalǵan jabdyqtardy óndiretin kásiporyndardy el aýmaǵynda qurý jumystary eskerilgen.

Munymen qosa, múmkindigi shekteýli jandardy jumyspen qamtý meselesine toqtalǵan mınıstr: «Bul turǵyda jumys berýshilerdiń tarapynan berilgen kvotanyń oryndalmaýy jónindegi másele qaralýda. Qazirgi tańda Qazaqstanda 680 myń múmkindigi shekteýli adam bar bolsa, sonyń 67 paıyzy jumysqa jarymdy. ıAǵnı olardy jumyspen qamtýymyz kerek. Memlekettik eńbek baǵdarlamasy arqyly múgedekterdi oqytý baǵytyn keńeıtýimiz kerek. Sonymen qatar, ońaltý sharalary asa mańyzdy bolyp otyr. Jalpy, biz ulttyq jospardy daıyndadyq, búginde Úkimettiń qaraýyna engizildi. Barlyq memlekettik organdarmen kelisilgen. Onda atalǵan máselelerdiń barlyǵy qamtyldy. Bizdiń oıymyzsha, ulttyq jospar birinshi jartyjyldyqta qabyldanady», - dedi.

Budan buryn habarlanǵandaı, bıyl aqpan aıynda elimizde múgedektigi bar adamdardyń turmys sapasyn jaqsartýǵa baǵyttalǵan 7 jyldyq ulttyq jospar ázirlengeni aıtylǵan bolatyn.

Joǵary qaraı