Aýa raıy
Astana 8 °S
Almaty 14 °S
valıýta baǵamy
USD 389.98
EUR 434.01
RUB 6.10
CNY 55.04

Múgedek qyzyn qorlaǵan ana 6 jylǵa bas bostandyǵynan aıyryldy

2019 jyldyń 18 aqpan 2019 18:30

ALMATY. QazAqparat - 13 jastaǵy múmkindigi shekteýli qyzyn ıt qorlyqta ustap kelgen ana 6 jylǵa bas bostandyǵynan aıyryldy. Bul týraly qalalyq sottyń baspasóz qyzmetinen habarlady.

Kámelettik jasqa tolmaǵandardyń isin qaraýmen aınalysatyn aýdanaralyq sot osyndaı úkim shyǵardy.

Sottalýshy Anna Ivanova QR QK 106-babynyń 2-bólimimen, 107-babynyń 2-bólimimen, 140-babynyń 2-bólimimen aıyptalǵan bolatyn.

Sýdıa Ivanovany barlyq bap boıynsha aıypty dep taýyp QR QK 58-babyn eskere otyryp, túpkilikti 6 jylǵa bas bostandyǵynan aıyrý týraly úkim shyǵardy. Anna Ivanovany sot zalynan kisen salyp alyp ketti.

Іs materıaldaryna sáıkes 26 maýsymda 2009 jyly túrmeden bosap shyqqan Anna Ivanova 2004 jyly týǵan qyzyn balalar úıinen qaıtarý úshin qujattaryn jınaǵan. 2011 jyly jazda ol qyzyn balalar úıinen alyp ketip, basqa balalarymen Almatyda turyp jatqan.

Anna Ivanova qyzymen birge tursa da, ony qatty jaqyn tarta qoımaǵan. 2013 jyly 15 maýsymda onyń úıine qonaqtar kelgen. Sol sátte ol qyzynyń túrinen qysylyp, jýynatyn bólmege qamap qoıǵan. Kisi ketken soń qyzynyń vannaǵa dáret syndyrǵanyn kórip, gaz kiltimen ońdy-soldy ura bastaǵan. Sosyn balǵamen arqasynan, qol-aıaǵy men tisinen soqqan. Bul soqqylardan qyzynyń densaýlyǵyna aýyr zaqym kelgen. 2011 jyldan 2017 jylǵy tamyzǵa deıin Anna Ivanova óziniń analyq mindetin atqarmaǵan.

Áıel balany uryp-soqqannan bólek, tamaq bermeı, qamap ustaǵan. Fızıkalyq jáne psıhologııalyq soqqydan soń qyzdyń densaýlyǵy kúrt nasharlaǵan.

Anna Ivanova óziniń aıybyn moıyndamady.

Sot áli zańdy kúshine engen joq.

Jantúrshigerlik oqıǵa týraly munyń aldynda jazǵan bolatynbyz. 13 jastaǵy múgedek qyz Dıananyń jaǵdaıy búkil eldi shoshytqan bolatyn. Anasy ony 3 jyl boıy dalaǵa shyǵarmaı, baılap ustaǵan. Balanyń adam tózgisiz jaǵdaı ómir súrip jatqanyn kórgen Qapshaǵaı qalasynyń urǵyny Nadejda Barsýkova 2017 jyldyń 17 tamyzynda Annany kóndirip, Dıanany senimhatpen qamqorlyǵyna 3 jylǵa alyp ketken.

Sodan beri jas qyz jańa otbasyna úırenip keledi. Qazir Dıananyń áke-sheshesi, eki inisi bar. Sal aýrýymen aýyratyn Dıananyń oń jaq qoly men aıaǵynda gemıparez baıqalady. Qulaǵy kesilgen, qol-aıaǵy, murny synǵan. Tisteri túsip qalǵan. Aýzynda qoıanjyryq sııaqty aqaýy bar. «Bastapqy úsh aıda túnimen shyńǵyryp, jylap shyǵatyn. Psıhıkasy asa aýyr zaqym alǵan edi. Qazir de keıde birnársege jumsasań, umytyp qaıtyp keledi nemese qaıda turǵanyn umytyp qalady. Bizge osy tyǵyryqtan shyǵý úshin 1 jyl psıhologpen jumys isteýge týra keldi. Balamnyń psıhıkasy ornyna keldi», - deıdi N. Barsýkova. Dıagnozynyń aýyrlyǵyna baılanysty Dıana mektepke barmaıdy, ony jergilikti mektepten muǵalimder kelip oqytyp júr.

Avtor Gúlmıra Ǵosmanálı
Basty sózder: Sot, Almaty,
Joǵary qaraı