Aýa raıy
Astana 18 °S
Almaty 16 °S
valıýta baǵamy
USD 386.82
EUR 428.67
RUB 5.86
CNY 54.95

Muǵalimniń mártebesinen buryn aılyǵyn kóterý kerek – Rahym Oshaqbaev

2019 jyldyń 22 shilde 2019 18:25 1845

NUR-SULTAN. QazAqparat – Rahym Oshaqbaev eldegi bilim salasyna Ulttyq qordan jyl saıyn qosymsha qarjy bólýdi usyndy, dep habarlaıdy QazAqparat tilshisi.

Ulttyq qoǵamdyq senim keńesiniń qyzmetine arnalǵan dóńgelek ústel barysynda sarapshy Rahym Oshaqbaev bilim salasynyń qordalanǵan máselelerin qozǵady.

«Sóz joq, bilim berý salasyndaǵy jańartylǵan baǵdarlama men kóptegen ınnovatsııalar óte durys. Biraq, barlyǵy jetkiliksiz qarjylandyrýǵa kelip tireledi. Qazir pedagogtardyń jalaqysy barlyq salalardyń ishinde eń tómeni ekenin bilemiz. Muǵalimniń mártebesi men bedeline qatysty qanshama zańdar qabyldasaq ta, negizgi másele eńbekaqy bolyp qalatynyn umytpaý kerek. Qazir mektep túlekteriniń arasynda pedagogıkalyq mamandyq tańdaý eń sońǵy orynda. Byltyr 8 myńnan astam grant bólinse, sonyń 4 myńnan astamyna 50-51 ball jınaǵan talapkerler ıe bolǵan. Biz bolashaq balalarǵa zamanaýı qundylyqtar sińirý isin osyndaı deńgeıdegi talapkerlerdiń qolyna tapsyryp otyrmyz degen sóz. Bul máseleni tek eńbekaqyny kóterý arqyly ǵana retke keltirýge bolady», - degen Rahym Oshaqbaev ustazdardyń aılyǵyn ósirýge keler jyldan bastap naqty kirisýdi usyndy.

«2020-2021 jydlan bastap barlyq muǵalimderdiń eńbekaqysyn kóterý qajet dep sanaımyz. Onyń kólemi óńirdegi ortasha eńbekaqydan az bolmaýy kerek. Muǵalimdikke túsken stýdentterdiń shákirtaqysyn kóterý arqyly bul mamandyqty tańdaýǵa ekonomıkalyq stımýl qalyptastyrý kerek. Prezıdent Qasym-Jomart Toqaev bilimge bólinetin shyǵyn kólemin jalpy ishki ónimniń 5 paıyz deńgeıine kóterý kerektigin aıtty. Bizdiń oıymyzsha, bul 5 paıyzdy memleket moınyna alýy kerek. Bul rette Ulttyq qordyń qarjysyn iske qosýǵa bolady. Óıtkeni Ulttyq qor – erteńgi urpaqtyń qory. Qazir qolda bar bıýdjettik shyǵyndarǵa qosymsha Ulttyq qordan jyl saıyn 2 mlrd dollar qarajat bilim salasyna bólinýi kerek», - dedi Ulttyq qoǵamdyq senim keńesiniń múshesi.

Atalmysh dóńgelek ústelden keıin Erlan Saırov jýrnalısterge Ulttyq qoǵamdyq senim keńesine qala múshe bolǵanyn aıtyp berdi.

Erlan Saırovtyń pikirinshe, Ulttyq keńestiń quramy ózgerip turý kerek.

Sondaı-aq, saıasattanýshy Alýa Joldybalına Ulttyq qoǵamdyq senim keńesiniń ózine eldiń senimi qalyptasyp bolmaǵanyn aıtqan bolatyn.

Joǵary qaraı