Aýa raıy
Astana 21 °S
Almaty 20 °S
valıýta baǵamy
USD 386.71
EUR 429.17
RUB 6.02
CNY 54.66

Muǵalimderge 55-58 jastan zeınetke shyǵýǵa múmkindik berile me - Bilim mınıstri jaýap berdi

2019 jyldyń 16 tamyz 2019 17:46

NUR-SULTAN. QazAqparat - Muǵalimderdiń 55-58 jastan bastap zeınetke shyǵý máselesine qatysty túbegeıli sheshim qabyldanǵan joq.

Bul týraly búgin Ortalyq kommýnıkatsııalar qyzmetindegi baspasóz máslıhatynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

Shara barysynda BAQ ókilderi mınıstrden muǵalimderdiń 55-58 jastan zeınetke shyǵý usynysyna qatysty jeke pikirin suraǵan bolatyn.

«Bul máseleni biz birneshe ret talqyladyq. Naqty zeınetkerlikke shyǵý máselesin aıtyp otyrmyz. Jalpy bizde zeınetke shyǵý boıynsha zańda bekitilgen ýaqyt bar. Biz ustazdarǵa mundaı quqyq beretin bolsaq, onda basqa da salanyń, máselen dárigerler, mádenıet salasynyń qyzmetkerleri tarapynan bul másele kóterile beredi. Sondyqtan búgingi kúni atalǵan másele tek talqylaný ústinde. Áli oń sheshildi dep biz aıta almaımyz», - dep jaýap berdi mınıstr.

Joǵary qaraı