Aýa raıy
Astana 0 °S
Almaty 6 °S
valıýta baǵamy
USD 389.86
EUR 435.32
RUB 6.12
CNY 55.12

Muǵalimder úshin jańa memlekettik syılyq taǵaıyndalady

2019 jyldyń 19 qyrkúıek 2019 12:00

NUR-SULTAN. QazAqparat – Parlament Májilisinde «Pedagog mártebesi týraly» jáne «Qazaqstan Respýblıkasynyń keıbir zańnamalyq aktilerine pedagog mártebesi, muǵalim men oqýshyǵa júktemeni tómendetý máseleleri boıynsha ózgerister men tolyqtyrýlar engizý týraly» zań jobalarynyń tanystyrylymy ótti, dep habarlaıdy QazAqparat tilshisi.

«Muǵalimderge qatysty materıaldyq emes yntalandyrý sharalary qarastyrylǵan. Birinshi kezekte balabaqshadan oryn berý máselesi eskerilgen. Sonymen qatar, «Qazaqstannyń eńbek sińirgen ustazy» memlekettik marapatynyń jańa túrin engizý de bar», - dedi QR Bilim jáne ǵylym mınıstri Ashat Aımaǵambetov.

Onyń sózine qaraǵanda, áskerı qyzmetke shaqyrýdy keıinge qaldyrý usynysy da nazarǵa alynyp otyr.

«Aýyldyq jerde jumys isteıtin muǵalimderdi eńbekaqysyn arttyrý, «Úzdik pedagog», «JOO-nyń úzdik oqytýshysy» granttary sııaqty qoldanystaǵy barlyq áleýmettik kepildikter de mindetti túrde zań jobasynda saqtaldy», - dedi A. Aımaǵambetov.

Sonymen qatar, ol Memleket basshysynyń tapsyrmasy aıasynda aldaǵy tórt jylda muǵalimderdiń eńbekaqysyn eki esege arttyrý kózdelgenin eske saldy. Aldaǵy jyldan bastap pedagogtardyń jalaqysy 25 paıyzǵa ósedi.


Joǵary qaraı