Aýa raıy
Astana 7 °S
Almaty 12 °S
valıýta baǵamy
USD 389.52
EUR 429.21
RUB 6.07
CNY 54.94

Mıshel Platını jemqorlyq jasady degen kúdikpen qamaýǵa alyndy

2019 jyldyń 18 maýsym 2019 18:09

NUR-SULTAN. QazAqparat - ÝEFA-nyń (Eýropa fýtbol qaýymdastyqtary odaǵy) burynǵy prezıdenti Mıshel Platını 2022 jylǵy Álem chempıonatyn ótkizetin eldi anyqtaý úshin ótken saılaýda sybaılas jemqorlyqqa jol berdi degen kúdikpen seısenbi kúni qamaýǵa alyndy, dep habarlaıdy «QazAqparat» HAA The Telegraph-qa silteme jasap.

BBC News taratqan habarlarǵa qaraǵanda, Frantsııanyń sybaılas jemqorlyqqa qarsy kúres agenttiginiń ókilderi 63 jastaǵy Platınıden jaýap alǵan.

Mıshel Platını 2007-2015 jyldar aralyǵynda Eýropa fýtbol qaýymdastyqtary odaǵyn basqarǵan. Bul laýazymyn FIFA ony segiz jylǵa fýtboldan shettetken soń tapsyrǵan.

Onyń qamaýǵa alynýyna - 2011 jyly FIFA-nyń esep shotynan Platınıge 2 mln eýroǵa jýyq aqshanyń aýdarylǵany sebep. Aqshany 1998-2015 jyldar aralyǵynda FIFA-ny basqarǵan Iozef Blatter aýdarǵan. Osy oqıǵaǵa baılanysty Blatter de fýtboldan shettetilgen bolatyn.

Artynsha Platını apellıatsııa bergen soń shettetilý merzimi qysqartylyp, 2019 jyldyń qazan aıynda aıaqtalýy tıis edi.

Eske sala keteıik, fýtboldan 2022 jylǵy Álem chempıonatyn ótkizý úshin kúreste Qatar 2010 jyly AQSh, Aýstralııa, Ońtústik Koreıa men Japonııany artta qaldyrǵan bolatyn.

Platını de, Blatter de ózderine taǵylǵan aıyptyń bir de birin ázirge moıyndaǵan joq.

Basty sózder: Sport, Álem,
Joǵary qaraı